Turqia “ngrin” bisedimet, mbetet pezull anëtarësimi i Suedisë dhe Finlandës në NATO

Negociatat midis Turqisë, Suedisë dhe Finlandës për anëtarësimin në NATO janë shtyrë për një kohë të pacaktuar me kërkesë të Ankarasë. Kjo është raportuar nga një burim në agjencinë ruse Ria Novosti dhe më pas është marrë edhe nga televizioni shtetëror turk. “Me kërkesën tonë, mekanizmi trepalësh midis Turqisë, Suedisë dhe Finlandës është anuluar për një kohë të pacaktuar ”, tha Ankaraja. Sërish sipas të njëjtit burim, takimi i radhës do të mbahet në Bruksel në shkurt. Kryeministri i Suedisë, Ulf Kristersson ka shprehur nevojën për të normalizuar marrëdhëniet me Turqinë. Kryeministri suedez vuri në dukje se “nuk ka asnjë çështje tjetër të sigurisë kombëtare më të rëndësishme se fakti që ne së bashku me Finlandën të bëhemi shpejt anëtarë të NATO-s”. Christerson tha se dëshiron të kthehet në një dialog funksional për t’u bashkuar me Organizatën e Traktatit të Atlantikut të Veriut. Ai theksoi se nëse nuk do të ketë një dialog funksional, do të jetë më e vështirë për Suedinë që të anëtarësohet dhe kjo mund të ketë pasoja për sigurinë e vendit. “Dua të rifilloj një dialog pune me Turqinë ,” theksoi ai, duke kritikuar “provokatorët” që po përpiqen të destabilizojnë kandidaturën suedeze dhe duke bërë thirrje për qetësi përballë një situate të rëndë. Një nga arsyet pse erdhi situata në këtë pikë janë protestat anti turke gjatë fundjavës në Stokholm. Në njërën prej të cilave, një prej të cilave politikan të ekstremit të djathtë dogji një kopje të Kuranit pranë ambasadës turke. Përgjigja e Moskës erdhi shpejt, duke pasur parasysh se ishin paralajmëruar "reforma ushtarake" për t'u marrë me zgjerimin e NATO-s.