Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Tusk: Pas Brexit, Britania aktor dytësor

Postuar: 14/11/2019 - 15:05

Britania mund të humbasë influencën e saj në arenën ndërkombëtare nëse realizohet Brexit. Lajmërimi vjen nga presidenti në largimit i Këshillit Europian, Donald Tusk. Ai fton britanikët të përdorin zgjedhjet e 12 dhjetorit për të ndërruar qëndrim.
 
Britania e Madhe mund të kthehet në një aktor të dorës së dytë pas largimit nga Bashkimi Europian.
 
Në fjalimin përpara studentëve belgë, presidenti i Këshillit Europian, Donald Tusk, tha se vetëm Europa e bashkuar do të matej me sfidat komplekse që po has bota.
 
Sipas tij Britania e ndarë nga BE-ja nuk mund të luajë rolin e mëparshëm global, siç pretendojnë personat në favor të Breksitit.
 
"Britania luan rol vetëm kur është pjesë e Europës së bashkuar. Vetëm bashkë mund të përballim fuqitë më të mëdha të botës. Këtë mendim kanë India, Zelanda e Re, Australia, Kanadaja dhe Afrika e Jugut, se pas largimit, Britania do të izolohet, do të jetë aktor i dorës së dytë," deklaroi Tusk.
 
Ish-kryeministri polak tha se britanikët kanë mundësi ta ndalin Brexit më 31 janar 2020, duke mos i dhënë kryeministrit Boris Johnson shumicën e votave në zgjedhjet e tri javëve të ardhshme.
 
"Brexit mund të jetë fundi real i perandorisë britanike. Por ajo që më vjen ndër mend sot është fraza 'mos u dorëzoni'. Ndeshja ka kaluar në kohën shtesë dhe mund të shkoni edhe kemi përpara edhe njëmbëdhjetëmetërshat," u shpreh Tusk.

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 14/12/2019 - 19:44

Një gjykatë në Sudan dënoi të shtunën ish-Presidentin Omar al-Bashir për pastrim parash dhe korrupsion, duke e dënuar atë me dy vjet në një institucion rehabilitimi.
 

Postuar: 14/12/2019 - 15:39

Rusia ka akuzuar dje se NATO qëllimisht po nxit tensione globale duke avancuar aftësitë ushtara

Postuar: 14/12/2019 - 15:21

Disa vende të Evropës, nga Irlanda e Franca deri në Itali e Greqi, prej orësh po përballen me m

Postuar: 14/12/2019 - 14:55

Megjithëse Boris Johnson fitoi në zgjedhje, qindra protestues kanë mbushur rrugët e Londrës në

Postuar: 14/12/2019 - 14:53

Llogaritet se mbi 300 mijë njerëz, janë vrarë prej trupave japoneze në qytetin Nanjing të Kinës

Postuar: 14/12/2019 - 07:36

Komisioni i Ligjeve i Dhomës së Përfaqësuesve rekomandoi dje ngritjen e akuzave ndaj Presidentit

Postuar: 13/12/2019 - 22:57

Të gjithë emigrantët do të paguajnë një shumë prej 626 paundësh për sistemin qeveritar shëndetëso