“U helmua nga Kremlini”/ Publikohet raporti tronditës për vdekjen e papritur të ministrit të Jashtëm bjellorus: Ja helmi që u prodhua në laborator. Lukashenko në panik, ka frikë për jetën e tij

Detaje të reja janë zbuluar në lidhje me vdekjen e papritur të Ministri të Jashtëm të Bjellorusisë , Vladimir Makei, i cili vdiq papritmas dy ditë më parë mes pretendimeve se ishte në kontakt të fshehtë me Perëndimin në lidhje me luftën në Ukrainë.

Raportet e reja të jashtëzakonshme nënvizojnë se diplomati veteran dhe ish-spiuni vdiq për shkak të një helmimi në Kremlin.

Një video në një aeroplan mallrash ushtarak Bjellorusi, javën e kaluar, rreth 1 javë përpara vdekjes së papritur tregon se Makei, 64 vjeç, ishte i shëndetshëm dhe se vuante nga ndonjë sëmundje kronike.

Disa raporte thonë se ai pati një atak në zemër dhe se vdekja e tij ka ‘tronditur’ presidentin Alexander Lukashenko , i cili tashmë  ka frikë për sigurinë e tij.

Lukashenko madje ka zëvendësuar kuzhinierët dhe shërbëtorët e tij, nga frika e vrasjes nga Moska, vijon raporti.

Armiku i Putinit, biznesmeni Leonid Nevzlin pretendoi se Makei “vdiq si rezultat i një helmi të zhvilluar në një laborator special të FSB-së ruse”.

Ai citoi burime “të afërta me shërbimet speciale ruse”, duke pohuar: “Pamja klinike në raste të tilla korrespondon me vdekjen nga infarkti ose dështimi i zemrës”.