Urdhër arresti për Putinin, reagon presidenti i Gjykatës Penale Ndërkombëtare

Presidenti i Gjykatës Penale Ndërkombëtare (GJNP), Piotr Hofmanski ka deklaruar se urdhër-arresti i lëshuar për presidentin rus Vladimir Putin është një sinjal shumë i rëndësishëm për botën. Një urdhër arrest u lëshua gjithashtu edhe për Komisioneren Ruse për të Drejtat e Fëmijëve Maria Lvova-Belova.

'Urdhër-arrestet nuk janë shkopi magjik. Por ne besojmë në efektin parandalues ??të urdhër-arresteve të lëshuara në procedurat tona dhe besojmë se është një sinjal shumë i rëndësishëm për botën që ne po bëjmë punën tonë, që viktimat të mos lihen vetëm, të mos harrohen dhe ne thjesht po bëjmë atë që pritet', tha Hofmanski duke e krahasuar urdhrin e arrestit për Putinin me një lloj sanksioni për liderin rus.

"Ka 123 shtete - dy të tretat e shteteve të botës - në të cilat ai nuk do të jetë i sigurt," tha ai.

I pyetur nëse GJNP po kërkon nga vendet nënshkruese të arrestojnë Putinin nëse ai udhëton drejt tyre, Hofmanski iu referua statutit të GJNP, duke thënë se të gjitha shtetet palë kanë detyrimin ligjor të bashkëpunojnë plotësisht me gjykatën, që do të thotë se ata janë të detyruar të ekzekutojnë arrestimin, urdhër të lëshuar nga gjykata, shkruan CNN. 

Ai tha gjithashtu se këto urdhra nuk janë fundi i lojës, duke shtuar se çështja mund të zgjerohet dhe gjithashtu të mbulojë mizoritë e tjera që dyshohet se janë kryer në territorin e Ukrainës.  Hofmanski tha se përmbajtja e urdhrave të arrestit ishte sekrete, por GJNP kishte rënë dakord të publikonte informacionin në lidhje me ekzistencën e urdhërarresteve dhe krimet e dyshuara të kryera nga Putin dhe Lvova-Belova.

Vëmendje: GJNP nuk kryen gjykime në mungesë, kështu që Putini ose do të duhet të dorëzohet nga Rusia ose të arrestohet jashtë Rusisë.