Video/ Rrëmbeu avionin dhe kërcënoi se do përplaset me një qendër tregtare, piloti bindet nga policia dhe ulet

Një ngjarje e frikshme ka ndodhur ditën e sotme në Misisipi të SHBA-së, ku një pilot kërcënoi se do të përplaste avionin, është ulur në mënyrë të sigurt pas bisedimeve me policinë.

Guvernatori i shtetit Tate Reeves shkroi në Twitter se askush nuk ishte lënduar, duke falënderuar forcat e rendit në Tupelo.

Mediat lokale raportojnë se piloti u arrestua pas uljes së avionit.

Policia amerikane thotë se piloti i një avioni të vogël që ka qenë duke fluturuar mbi Tupelo në Misisipi kërcënoi të përplaset me një dyqan Walmart.

Departamenti i policisë bëri të ditur se dyqani dhe disa biznese të tjerë rrotull tij janë evakuuar.

Policia arriti të kontaktojë drejtpërdrejt me pilotin. Avioni po fluturonte në zonë prej orës 5 të mëngjesit të së shtunës dhe qëndroi në ajër më shumë se katër orë.

Guvernatori i Misisipit Tate Reeves tha se forcat e rendit po ndjekin nga afër situatën e rrezikshme.

Mediat amerikane thonë se aktualisht autoritetet e kanë humbur kontaktin me pilotin dhe nuk e dinë vendndodhjen e avionit.