Video/ Tërmeti katastrofik në Marok, publikohen pamjet apokaliptike me dron

Tërmeti shkatërrues që goditi të premten Marokun, ka shkatërruar mijëra banesa dhe ndërtesa. Deri më tani raportohet për mbi 2 mijë të vdekur dhe mijëra tjerë të lënduar, objekte të shkatërruara si dhe qytete pa energji elektrike.

Se sa i fuqishëm ishte tërmeti e tregojnë më së miri pamjet e filmuara nga ajri, ku shihen shtëpitë, ndërtesat e shumë lokale afariste që janë bërë rrafsh me tokën.

Tërmeti me magnitudë 6.8 goditi Marokun të premten mbrëma (8 shtator). Tërmeti u ndje në të gjithë vendin, veçanërisht në pikën turistike të Marrakeshit dhe fshatrat e largëta në malet e Atlasit të Lartë.