BREAKING NEWS

Yuri Kim i dha mesazhin e fortë, Lulzim Basha bën lëvizjen urgjente

Yuri Kim i dha mesazhin e fortë, Lulzim Basha bën lëvizjen
x

Bota

Virusi po përhapet me shpejtësi, katër deputetë infektohen nga koronavirusi

Virusi po përhapet me shpejtësi,  katër deputetë infektohen

Kronavirusi po përhapet në të gjithë botën dhe çdo ditë po merr jetë të reja njerëzish.Sipas agjencisë shtetërore të lajmeve koronavirusi i ka marrë jetën edhe një deputeti iranian.Mohammad Ali Ramazani Dastak, i cili u zgjodh së fundmi si përfaqësuesi për Astana Ashrafieh, besohet se ka rezultuar pozitiv për sëmundjen disa ditë më parë.

Nga informacionet e fundit katër ligjvënës iranianë janë infektuar me koronavirusin e ri, teksa ky virus po përhapet me shpejtësi në Iran, duke detyruar autoritetet që të anulojnë mbajtjen e Lutjeve të së Premtes në shumë xhami në mbarë vendin.

Mohammad Ali Vakili, anëtar i presidiumit parlamentar, tha përmes një postimi në Twitter se katër deputetë janë infektuar me koronavirusin e ri.

Disa zyrtarë të tjerë të lartë iranianë po ashtu janë infektuar me virusin, përfshirë edhe zëvendëspresidentin iranian, Masoumeh Ebtekar.

Njoftimi se katër deputetë janë infektuar me koronavirusin, vjen në kohën kur numri zyrtar i vdekjeve është rritur nga 8 në 34 vetëm në 24 orët e fundit. Ndërkaq, 388 persona të tjerë janë testuar pozitiv me koronavirusin e ri.

Por, shërbimi persian i BBC-së ka thënë se burimet e saj kanë njoftuar se të patën 210 persona kanë vdekur nga koronavirusi i ri. Ministria e Shëndetësisë në Iran ka hedhur poshtë këto raportime.