Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Von Der Leyen prezanton komisionerët e BE, ja hungarezi që do kryesojë zgjerimin

Postuar: 11/09/2019 - 07:31

Presidentja e zgjedhur e Komisionit Evropian, Ursula von der Leyen, ka prezantuar dje në Bruksel 27 komisionerët e saj që do të drejtojnë degët e ndryshme të krahut ekzekutiv të BE. Ajo me këtë rast foli edhe për raportet e BE me vendet e Ballkanit Perëndimor, duke thënë se thënë se marrëdhëniet dhe bashkëpunimi me këto vende do të jenë një përparësi gjatë presidencës së saj. Komisinerët e rinj janë një përzierje emrash të rinj e të vjetër, me rritje të konsiderueshme të numrit të grave. Hungarezi, Laszlo Trocscany, do të jetë Komisionar i ri për çështje të fqinjësisë dhe zgjerimit të Bashkimit Evropian. Ish-eurodeputeti Trocscany ka qenë ministër i Drejtësisë i Hungarisë, nga viti 2014 deri më 2019. Ai gjithashtu ishte anëtar i Gjykatës Kushtetuese të Hungarisë, por nuk është pjesë e partisë në pushtet Fidez, që udhëhiqet nga kryeministri Viktor Orban. Pozitën e Komisionarit për zgjerim dhe fqinjësi aktualisht e mban politikani austriak, Johannes Hahn, i cili këtej e tutje do të kujdeset për buxhetin dhe administratën. Komisionarët e rinj do të marrin detyrën më 1 nëntor. Von der Leyen tha në lidhje me Brexit se nuk është fundi i diçkaje, por fillimi i marrëdhënies së ardhshme me Britaninë e Madhe. “Nuk ndaloj së thëni se Brexit nuk e kemi dashur kurrë. Por ne respektojmë vendimin e marrë nga miqtë tanë britanikë”, shtoi ajo.

Kritika për emigracionin

 Von der Leyen është përballur me kritika për emërimin e komisionerit  për dikasterin evropian të quajtur ‘Mbrojtja e Mënyrës tonë Evropiane të Jetesës’ që do të drejtojë sigurinë dhe emigracionin. Roli në fjalë i është dhënë ish-zëdhënsit grek të komisionit Margaritis Schinas i cili tashmë do të drejtojë “emigracionin, sigurinë, punësimin dhe arsimin”. Eurodeputeti laburist britanik Claude Moraes e quajti emërimin ofendues: “Emërtimi i portofolit të KE por emigracionin ‘mbrojtje e mënyrës tonë të jetesës’ është shumë ofenduese. Dhe nëse kjo do të merret me emigracionin, me çfarë do të merret komisioneri i punëve të brendshme? Ndjej pak konfuzion me këto tituj të çuditshëm dhe ngatërrues”. Ai shtoi më tej: “Kombinimi i sigurisë me emigracionin, bashkë me punësimin dhe arsimin, dhe e gjitha të quhet ‘Mbrojtje e mënyrës tonë të jetesës’, nuk e di se nga ka lindur kjo ide”. Ndërkohë grupimi i të drejtave të njeriut Amnesty International tha: “Lidhja e emigracionit me sigurinë në këtë portofol të ri evropian dërgon një mesazh shqetësues. Emigracioni ka kontribuar më ‘mënyrën evropiane të jetesës’ gjatë gjithë historisë. Ne kemi besim se komisionari i ri Margaritis Schinas do të punojë për një BE të sigurtë dhe me rrugë të ligjshme që emigrantët të vazhdojnë të kontribuojnë në të ardhmen e Evropës”.

Mbrojtja hapësinore

Bashkimi Evropian do të ketë gjithashtu degën e tij të veçantë të mbrojtjes dhe hapësirës me forcat e armatosura, teksa der Leyen emëroi në krye të saj një aleate të presidentit francez Emmanuel Macron. “Bashkimi Evropian nuk do të jetë kurrë një aleancë ushtarake,” tha von der Leyen. “Por vendeve anëtare të BE  u është thënë shpesh se prokurimi i përbashkët për forcat e tyre të armatosura është i një rëndësie parësore. Hapësira është një fushë e re e mbrojtjes ku BE kërkon të zhvillojë teknologjinë e saj, në një kohë kur SHBA, Kina e Rusia kanë zhvilluar armë që mund të interceptojë raketat armike apo të shkatërrojnë satelitët në orbitë”, shtoi ajo. Ish-ministrija gjermane e mbrojtjes Von der Leyen, tha se planet do të përfitojnë nga aleanca e përbashkët  e NATOs për të zhvilluar programet e tyre. Sylvie Goulard, deputete e vjetër e PE, aktualisht në krye të Bankës Qendrore të Francës, do të drejtojë departamentin e ri si komisioneve e politikave industriale. Uashingtoni e mbështeti iniciativën por paralajmëroi kundër përjashtimit të kompanive amerikane nga projektet.

Andi Lamko

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 16/09/2019 - 21:51

Presidentja e zgjedhur e Komisionit Evropian, Urusla von del Leyen, e mbrojti sot vendimin e saj për të emëruar mes anëtarëve të rinj të KE një zyrtar përgjegjës për, siç thuhet, Mbrojtjen e Mënyrës Evropiane të Jet

Postuar: 16/09/2019 - 21:44

Tre persona vdiqën dhe të paktën 222 të tjerë janë infektuar në epideminë më të madhe të lister

Postuar: 16/09/2019 - 20:09

Një vajzë 10-vjeçare nga Texas ka vdekur dje në spital dy javë pasi kontaktoi amebën e rrallë t

Postuar: 16/09/2019 - 19:52

Lideri i Koresë së Veriut, Kim Jong-un invited ka ftuar presidentin amerikan Donald Trump të vi

Postuar: 16/09/2019 - 19:43

Falë shpërndarjes ndërkombëtare dhe shikueshmërisë në mbarë botën, Turqia renditet vendi i dytë

Postuar: 16/09/2019 - 19:04

Ushtria ruse nisi të hënën ushtrimet vjetore strategjike.
 

Postuar: 16/09/2019 - 18:44

Një video shokuese është publikuar së fundmi nga Daily Mail, ku shfaqet një arab saudit duke film