Zbardhen detaje të rënda nga krimi/ ‘Ishte xheloz, ajo ishte e trembur prej tij’, burri mbyti gruan farmaciste dhe tentoi të vetëvritej. Flet mikesha e 43-vjeçares dhe tregon skenën horror

Një krim i rëndë ka ndodhur në Greqi, ku burri ka mbytur gruan e tij brenda biznesit ku ajo punonte si farmaciste. Mediat vendase kanë publikuar sot detaje të tjera nga historia e çiftit që kishin dhe dy fëmijë të mitur, të cilët tani do të rriten pa nënën e tyre pranë dhe me babanë në burg.

Autori i krimit, “bashkëshorti 55-vjeçar i farmacistes bukuroshe ndodhet në spital, me roje tek dera, ku vijon të marrë trajtim, derisa të jetë në gjendje të jetë përballë një hetuesi dhe një prokurori që do të vendosë për fatin e tij, pas asaj që do të dëshmojë.

55-vjeçari deri më tani, përveç mjekëve të tij, të cilët bënë gjithçka mbrëmjen e së enjtes për t’i ofruar ndihmën e parë, pasi kishte tentuar t’i jepte fund jetës, është vizituar edhe nga një punonjës policie i cili u përpoq të nxirrte arsyet që e çuan në këtë krim.

Megjithatë, gjendja e tij nuk e lejon ende të flasë për këtë dhe policia është në pritje të momentit të duhur, për detajet mbi gjithçka ka ndodhur brenda farmacisë së 43-vjeçares.

Kamera e sigurisë tashmë ndodhet në duart e policisë. Aty tregohen të gjitha lëvizjet e çiftit , si dhe minutat e fundit të jetës së farmacistes. Për të, vetëm fjalët më të mira kanë për të thënë ata që e kanë njohur si person dhe profesioniste”, shkruan Protothema.

Sipas ekspertizës mjeko-ligjore dhe njoftimit të policisë, vdekja e 43-vjeçares erdhi nga mbytja prej duarve të 55-vjeçarit.

Varrimi i saj do të bëhet të dielën, 8 maj 2022 (Dita Botërore e Nënës) ku miqtë dhe të afërmit do t’i japin lamtumirën e fundit në Kishën e Agios Georgios në Amygdaleonas, Kavala, ku ajo jetonte me 55-vjeçarin dhe dy femijët e mitur 10 dhe 6 vjec.

Sipas policisë, gjatë arrestimit të 55-vjeçarit i është gjetur dhe një thikë. Në fakt autori me thikë ka tentuar t’i japë fund jetës së tij.

Sipas hetimeve deri më tani, 55-vjeçari duket se e kishte planifikuar vrasjen e gruas së tij që në ditën kur ajo i kërkoi divorcin, kryesisht për shkak të xhelozisë dhe skenave që i krijonte vazhdimisht ai.

43 – vjeçarja, kishte shprehur shqetësimin e saj për sjelljen e burrit tek një mikeshë të saj që foli për protothema.gr, duke deklaruar se nuk donte ta besonte se ai mund të arrinte deri në këtë pikë.

“Ata po debatonin vazhdimisht. E kishte zili, nuk e linte të qetë. Vazhdimisht i shkaktonte probleme dhe bënte skena xhelozie para meje, madje edhe para fëmijëve. Ndoshta ai e kishte planifikuar prej kohësh dhe shoqja kishte dyshuar për diçka. Ajo ishte e shqetësuar dhe e frustruar nga sjellja e tij. Ajo donte të divorcohej Por ai vazhdoi të mos e linte rehat. Derisa situata …”, tha për protothema.gr mikesha e viktimës.