Lajme të tjera
BREAKING NEWS

Debati për listat e hapura, Rama PARALAJMËRON opozitën: Këtë gjë harrojeni!

Debati për listat e hapura, Rama PARALAJMËRON opozitën:
x

Bota

Zgjedhjet në SHBA, Trump kritika ndaj Harris: Nuk kualifikohet për të qenë zëvendëspresidente

Zgjedhjet në SHBA, Trump kritika ndaj Harris: Nuk kualifikohet për

Kandidatja për zëvendës presidente nga demokratët në Shtetet e Bashkuara, Kamala Harris është përballur ditën e djeshme me një deklaratë sulmuese nga Presidenti aktual Donald Trump. Presidenti është shprehur se kandidatja Harris “nuk kualifikohet”, pra nuk i plotëson kushtet për të garuar si zv. Presidente. Kamala Harris vjen nga një familje me baba xhamajkan dhe nënë indiane, ndërkohë Presidenti Trump i është referuar një profesoreshe konservatore të drejtësisë, e cila ka vënë në pikëpyetje pranueshmërinë e kandidaturës së saj.

Përplasjet Trump- Biden

Joe Biden ka bërë thirrje që vendosja e maskave në publik në mënyrë që të mund të ketë më shumë kontroll mbi infektimet nga Covid, të bëhet me anë të shpalljes së një urdhri i cili do të ketë fushë veprimi në të gjithë Shtetet e Bashkuara. “Nuk ka lidhje me demokratët, republikanët apo të pavarurit. Çdo amerikan duhet të vendosë një maskë kur ndodhet jashtë, minimalisht për tre muajt e ardhshëm”, deklaroi Biden. Ai sqaroi se guvernatorët duhet të lëshojnë urdhra për vendosjen me detyrim të maskave duke qenë se ekspertët vlerësojnë se një masë e tillë do të mund të shpëtonte 40.000 jetë njerëzish në tre muajt e ardhshëm. "Ka të bëjë me përgjegjësinë tuaj si amerikanë. Kjo është Amerika. Duhet të bëheni patriotë, të mbroni bashkatdhetarët tuaj. Duhet të bëni gjënë e duhur", tha ai. Menjëherë pas deklaratës së tij ka reaguar presidenti Trump, i cili akuzoi kandidatin e mundshëm demokrat se është duke politizuar një situatë pandemie e cila edhe në vetvete, edhe pa politizime është shumë e vështirë. Më tej Trump sqaroi se kërkesa e Biden nuk mund të bëhet realitet sepse një gjë e tillë do të kishte një impakt shumë të madh negativ në ekonominë e vendit dhe se dëmi që do t’i shkaktohej shëndetit mendor të amerikanëve duke i çuar në depresion do të ishte shumë i madh. Administrata Trump edhe më herët nuk ka pranuar të marrë masa të tilla në rang kombëtar, duke i lënë dorë të lirë guvernatorëve të shteteve në varësi të situatës specifike të vendosin nëse maskat do të bëhen të detyrueshme apo jo. Në një konferencë për shtyp mbrëmjen e së enjtes, presidenti Trump tha se qytetarët amerikanë meritojnë të kenë lirinë e zgjedhjes. "Duam të kemi njëfarë lirie. Kjo na bën ne ata që jemi", tha ai.

Administratën Trump nuk e ndal pandemia

Këtë javë administrata Trump njoftoi 122 milionë dollarë fonde për programe dhe partneritete të reja të nismës për Zhvillimin dhe Prosperitetin Global të Grave (Ë-GDP) , dhe publikimin e plan-veprimeve të 10 agjencive qeveritare për një reformë ligjore që do të heqë barrierat ligjore dhe kulturore për pjesëmarrjen e grave në ekonomi në të gjithë botën. Nisma Ë-GDP shihet si një "qasje gjithëpërfshirëse e qeverisë" që kërkon të sjellë ndryshime për afro 50 milionë gra në të gjithë botën në zhvillim deri në vitin 2025, dhe ka tre komponentë - sigurimin e formimit profesional për gratë; fuqizimin e grave për të pasur sukses si sipërmarrëse; dhe eliminimin e barrierave ligjore dhe të politikave që parandalojnë pjesëmarrjen e grave në ekonomi. Këshilltarja e Presidentit Ivanka Trump, Këshilltari i Sigurisë Kombëtare Robert O’Brien dhe Zëvendës Sekretari i Shtetit Stephen Biegun bënë njoftimin virtualisht me pjesëmarrjen nga partnerë të sektorit privat, përfshirë kompanitë Walmart, Mikrosoft dhe Masterkard. "Ky është lloji i veprimit të guximshëm për të zgjeruar përpjekjet e qeverisë federale, sektorit privat dhe partnerëve të tjerë për të hequr pengesat që kufizojnë aftësinë e grave për të marrë pjesë në ekonomitë lokale që ka qenë modeli amerikan për sukses", tha zonja Trump. Nisma vjen përballë sfidave të reja ndërsa COVID-19 po përkeqëson pabarazitë ekzistuese gjinore në të gjithë botën. Njoftimet nga vende të shumta kanë treguar se gratë po ndikohen në mënyrë disproporcionale dhe të veçantë nga koronavirusi në çdo sferë, që nga shëndetësia dhe ekonomia e deri te siguria dhe mbrojtja sociale.

Më të lexuarat