Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Zgjedhjet në Suedi/ Vendi liberal merr kthesën drejt së djathtës

Postuar: 10/09/2018 - 18:00

Në Suedi u mbajtën këtë të diel zgjedhjet parlamentare. Rezultatet paraprake tregojnë se një ndër vendet më liberale të Evropës po merr një kthesë të vendosur drejt së djathtës.

Partia Demokratët e Suedisë, e cila kërkon ndalimin e emigracionit dhe largimin e vendit nga Bashkimi Evropian, duket se do të jetë partia e tretë më e madhe në parlament.

Me shumicën e votave të numëruara, partia e qendrës së majtë në pushtet, Partia Social-Demokrate, mori 28% të votave, të ndjekur nga të Moderuarit me 19% dhe nacionalistët Demokratët e Suedisë me pothuajse 18%.

Udhëheqësi i Demokratëve të Suedisë, Jimmie Akesson, deklaroi fitoren.

‘Jam i gatshëm të bisedoj me të gjitha partitë e tjera, të negocioj dhe të bashkëpunoj me ta. Ftoj në veçanti Ulf Kristersson të bisedojmë rreth mënyrës se si do të qeveriset Suedia në të ardhmen’, deklaroi zoti Akesson.

Ulf Kristersson, udhëheqës i partisë opozitare të Moderuarit, i bëri thirrje Kryeministrit Stefan Lofven të dorëhiqet, pasi partia në pushtet është ezauruar.

Por, Kryeministri Lofven refuzoi kërkesat për dorëheqje dhe u bëri thirrje bashkëqytetarëve t’i bëjnë rezistencë partisë që ai e akuzon për fanatizëm dhe urrejtje.

‘Të gjitha forcat e mira kanë një përgjegjësi morale; të gjithë që kanë bindjen e fortë për të drejtat dhe vlerat e barabarta të njerëzve – do të bashkojmë të gjitha forcat e së mirës, do të rezistojmë dhe do të dëshmojmë se është e mundshme një tjetër lloj shoqërie. Do të veprojmë si gjithnjë. Miq të dashur, ne nuk brengosemi, ne organizohemi’, deklaroi Kryeministri Lofven.

Anketuesit thonë se popullariteti në rritje i Demokratëve të Suedisë, një parti me rrënjë tek ekstremi neo-nazist, mund t’i mundësojë këtij grupi të së djathtës ekstreme fuqinë e vetos se kush do të formojë qeverinë e re.

Ashtu si pjesa më e madhe e Evropës, Suedia është përfshirë nga fluksi i azilkërkuesve, të cilët i largohen kryesisht Lindjes së Mesme, Azisë së Jugut dhe Afrikës.

Rreth 163 mijë azilkërkuesit e vitit 2015 që mbërritën deri në Suedi, polarizuan votuesit dhe prishën konsensusin politik.

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 21/04/2019 - 18:06

Kryetari i opozitës turke në Turqi, Kemal Kilicdaroglu është sulmuar fizikisht gjatë ditës së sotme duke marrë edhe lëndime trupore.

Postuar: 21/04/2019 - 10:04

 Përgatiti një strudel dhe teksa po e piqte në furrë, dogji 40 mijë euro të cilat i fejuari

Postuar: 21/04/2019 - 09:22

Të paktën 100 njerëz raportohen të jenë vrarë dhe më shumë se 200 të tjerë janë plagosur nga shpë

Postuar: 21/04/2019 - 08:08

Në një nga protestat më të dhunshme të serisë së pesë muajve të fundit, Jelekët e Verdhë u përles

Postuar: 20/04/2019 - 23:44

Një histori e pazakontë vjen nga Italia.

Postuar: 20/04/2019 - 23:24

Kamerat e sigurisë kanë filmuar një grabitje me dhunë në Gjeorgji.

Postuar: 20/04/2019 - 19:22

Dy persona janë arrestuar nga Policia e Irlandës së Veriut për vrasjen e gazetares Lyra McKee.