Zhduket pa lënë gjurmë avioni luftarak F-35, Forcat Ajrore të SHBA-së në alarm, ja pse misteri po trondit botën

Është një mister ajo që ndodhi me aeroplanin luftarak-bombardues me shumë role F-35B Lightning II të Forcave Ajrore të SHBA-së, i cili u zhduk të dielën e kaluar në brigjet e Karolinës së Jugut, pasi piloti i Korpusit Detar u detyrua të tërhiqej nga avioni. Ushtari arriti të shpëtojë veten dhe nuk ka pësuar pasoja të rënda, por ende nuk dihet asgjë për fatin e avionit ushtarak, gjurmët e të cilit kanë humbur.Aksidenti ndodhi rreth orës 14:00, me orën lokale, të dielën, kur piloti, me shumë gjasa që kishte humbur kontrollin e F-35B, u detyrua të tërhiqej nga avioni dhe të hidhej me parashutë në tokë. Piloti arriti të zbarkonte shëndoshë e mirë në Karolinën e Jugut.Ai u shpëtua menjëherë dhe u transportua në spital, ku mori trajtimin e nevojshëm. Me sa duket ai nuk ka pasoja të rënda dhe gjendja e tij është e qëndrueshme, siç e ka konfirmuar edhe majorja e marinës, Melanie Salinas. Avioni F-35B Lightning II, thanë autoritetet, ishte nisur nga Stacioni Ajror i Trupave Detar Beaufort. Ai ishte pjesë e një skuadroni stërvitore sulmi dhe fluturoi së bashku me një luftëtar tjetër. Sipas zyrtarëve, nuk ka asnjë provë se dy avionët mund të jenë përplasur, edhe për shkak se më pas gjuajtësi i dytë u ul pa asnjë problem në bazën e Charleston. Vetëm një ekzaminim i F-35B i përfshirë mund të japë përgjigje, por problemi qëndron pikërisht këtu: nuk ka asnjë gjurmë të avionit. Luftëtari hiper-teknologjik është veçanërisht i vështirë për t'u gjurmuar me radar, aq sa disa orë më vonë autoritetet amerikane ende nuk e dinë se ku përfundoi. Avioni është një model i prodhuar nga Lockheed Martin me një kosto rreth 80 milionë dollarë, është i armatosur dhe i pajisur me teknologjitë më të mira.