Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

E rrallë/ Motrat e mbretit Zog në Muzeun e Vjenës për Skënderbeun

E rrallë/  Motrat e mbretit Zog në Muzeun e Vjenës për Skënderbeun

Postuar: 28/09/2016 - 17:55

Studiuesi dhe gazetari Armand Plaka ka publikuar një tjetër foto të rrallë në profilin e tij në Facebook.

Këtë herë në qendër të vëmendjes të studiuesit Plaka janë motrat e mbretit Ahmet Zogu të cilat në vitin 1937 patën ndërmarrë një udhëtim të gjatë njohës në Europë e SHBA, për të cilat shtypi shqiptar tashmë pas demokracisë ka raportuar në detaje.

Shkrimi i plotë i Armand Plakës: 

Tashmë ka hyrë në histori dhe veç Konicës e Zoi Xoxës, të cilët patën rastin t’i shoqërojnë fizikisht e të shkruajnë kujtime në lidhje me to, ishin dhe vetë gazetat e kohës, të cilat i bënë një jehonë të jashtëzakonshme turneut transatlantik të motrave të Mbretit të Shqiptarëve. Kërshëria e shtypit perëndimor shpesh u shoqërua edhe me kritika, por në përgjithësi raportimi ishte pozitiv, dashamirës dhe realist. Ishte viti 1937 dhe duket se Mbretëria Shqiptare po investonte edhe në imazh për të përjetuar tashmë një fazë tjetër pas 9 vjetësh themelim. Megjithëse është raportuar në hollësi mbi vizitën e tyre, duke gërmuar në arkivat e gazetave perëndimore të kohës, më la shumë mbresa një foto e rrallë nga një revistë e mirënjohur vjeneze, e cila shfaq motrat ( princeshat) e Mbretit Zog ndërsa kundronin nën interpretimin plot pasion të drejtorit të Muzeut të Vjenës, Dr. Gross, përkrenaren dhe shpatën e Heroit tonë Kombëtar, Gjergj Kastrioti Skënderbeu. Ky set i dy objekteve më të çmuara ndër shqiptarët, do të mund ta shihte dritën e ekspozimit shumë dekada më vonë, për një periudhë të limituar edhe në Muzeun tonë Kombëtar, në 100-vjetorin e Pavarësisë së Shqipërisë. Nuk dua të futem në diskutime, por besoj se foto në fjalë shpreh më së miri përmbushjen e një axhende të mirëprogramuar dhe me objektiva kombëtariste dhe jo të një axhende të hartuar “sipas dëshirave e pasioneve të ditës të disa zonjushave të llastuara”, sikurse do të shpreheshin disa kritikë. Foto më rezulton e pabotuar më parë dhe i përket majit të vitit të largët 1937.

 

 

/Agjensia e Lajmeve Sot News/

Na Beni Like Ne Facebook: 
Total votes: 93

Lajme nga e njejta kategori

Postuar: 23/11/2017 - 08:58

CIA ka dhënë detaje mbi mënyrën se si ka funksionuar Sigurimi i Shtetit. Përmes një dokumenti të deklasifikuar tregohen se kush ishin drejtuesit në rrethe dhe cilat ishin bazat kryesore. Po ashtu tregohet dhe se si funksiononte policia.

Tetor 1950

Forcat e policisë

Postuar: 22/11/2017 - 09:28

CIA u ka kushtuar një rëndësi të madhe marrëdhënieve mes Shqipërisë komuniste dhe Jugosllavisë.

Postuar: 21/11/2017 - 08:45

CIA ka publikuar të tjera dokumente sa i takon zhvillimeve në Shqipërinë komuniste.

Postuar: 19/11/2017 - 08:42

Në vitin 1962 Enver hoxha shkaktoi përplasje të forta me Bashkimin Sovjetik dhe Kinën. Ai sulmoi në këtë periudhë Gjermaninë Lindore dhe kjo nuk u pranua nga askush.

Postuar: 18/11/2017 - 08:56

CIA i ka kushtuar një rëndësi të madhe prishjes së bashkëpunimit mes Shqipërisë dhe Bashkimit Sovjetik.

Postuar: 17/11/2017 - 08:52

Në vitin 1949 CIA po përdorte shumë tentativa për të rrëzuar regjimin e Enver Hoxhës.

Postuar: 16/11/2017 - 08:26

CIA ka zbardhur synimet që kishte Bashkimi për Shqipërinë gjatë bashkëpunimit të vitit 1954.