Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Kurt Kola: Qemal Stafën e vrau Enver Hoxha, Dita e Dëshmorëve jo në 5 Maj

Kurt Kola: Qemal Stafën e vrau Enver Hoxha, Dita e Dëshmorëve jo në 5 Maj

Postuar: 03/05/2014 - 10:44

Kreu i Partisë “Rruga e Lirisë”, ish i përndjekuri politik, Kurt Kola, ka dhënë një deklaratë, që vë në pikëpyetje 5 Majin. Kola deklaron se komunistin Qemal Stafa e vrau Enver Hoxha, ashtu siç vrau një sërë figurash të tjera, për të siguruar pozitat e tij pas Luftës Nacional Çlirimtare. Kurt Kola shprehet se Dita e Dëshmorëve nuk duhet të përkujtohet më 5 Maj vetëm se në këtë datë u vra komunisti Qemal Stafa. Sipas tij, historia e popullit shqiptar është shtrembëruar, ndërsa theksoi se Dita e Dëshmorëve duhet të caktohet që nga 7 prilli 1939 kur Italia fashiste pushtoi Shqipërinë. “Që Dita e Dëshmorëve të përcaktohet më 5 maj, për mua nuk ka asnjë vlerë. Luftërat për pavarësi kanë filluar me kohë. Ne kemi qenë gjithmonë të pushtuar. Nëse nuk mund ta përcaktojmë Ditën e Dëshmorëve më datë 20 kur u zhvillua lufta e Vlorës, duhet ta përcaktojmë nga 7 prilli i 1939. Më 7 prill në bregdet nuk u luftua vetëm në Durrës, nuk u vra vetëm Mujo Ulqinaku, por janë vrarë shqiptarë të tjerë dhe u vranë 800 italianë.
 
Pse Dita e Dëshmorëve duhet të caktohet më 5 maj kur u vra Qemal Stafa?! Ne shqiptarët e kemi shkatërruar historinë tonë. Historia i takon popullit, i jep vlerë kombit. Ne nuk dimë të përcaktojmë as ditën e pavarësisë. Dita e Dëshmorëve është një pikëpyetje e madhe; nuk duhet që një pjesë të fyhen dhe një pjesë të nderohen. Te Varrezat e Dëshmorëve, duhet të jetë edhe një varrezë tjetër, ku të prehen ata që u vranë nga komunizmi”, u shpreh Kola. Ai akuzoi diktatorin Enver Hoxha për vrasjen e një sërë figurave dhe se bashkëpunoi me Jugosllavinë, politikë e cila ndikoi në humbjen e Kosovës. “Lufta Nacional Çlirimtare ka një pikëpyetje lidhur me kontradiktat që kishin partitë, Partia e Ballit dhe e Legalitetit. Enver Hoxha bashkëpunoi me Jugosllavinë dhe humbëm Kosovën. Ai mban përgjegjësi për vrasjen e figurave që i eliminoi gjatë luftës, si Qemal Stafën. Ai aplikoi diktaturën duke vrarë nacionalistët. Morri në shpatulla një luftë ndaj popullit të tij. Enver Hoxhën e ka rrëzuar populli shqiptar, duke e tërhequr zvarrë”, tha Kola. 
 

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 20/01/2019 - 08:45

Amerikanët kanë dhënë detaje mbi qëllimet që ata kishin gjatë operacioneve për rrëzimin e regjimit komunist. CIA e ka theksuar disa herë se qëllimi saj ishte kthimi i lirisë për shqiptarët.

Postuar: 19/01/2019 - 07:16

 Amerikanët kanë deklaruar se pushtetin pas çlirimit të Shqipërisë e morën një grup njerëzis

Postuar: 18/01/2019 - 07:12

Amerikanët kanë dhënë detajet mbi operacionet e CIA në vendin tonë.

Postuar: 16/01/2019 - 07:10

CIA i ka kushtuar një rëndësi situatës pas çlirimit të vendit nga regjimi nazifashist.

Postuar: 15/01/2019 - 07:12

Shtetet e Bashkuara të Amerikës kanë deklaruar se Enver Hoxha inkurajohej nga Bashkimi Sovjetik p

Postuar: 13/01/2019 - 08:25

Në vitin 1956 nisën përplasjet brenda Partisë Komuniste të drejtuar nga Enver Hoxha.