Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

“Rajoni është një “eksploziv gati të shpërthejë”/ CIA, një vështrim i pamëshirshëm mbi Ballkanin

Postuar: 20/08/2018 - 11:36

CIA ka publikuar një raport të ri për Ballkanin, ku thekson se rajoni është një “eksploziv gati të shpërthejë”.
 
Agjencia Inteligjente e SHBA-së thekson se ndërsa Shqipëria mbetet vend kyç i pastrimit të parave, trafikut të armëve, narkotikëve dhe emigrantëve, Serbia dhe Mali i Zi po bëhen strehë e organizatave të frikshme terroriste nga e gjithë bota.
 
Raportin e ka bërë të ditur e përditshmja më e madhe e Podgoricës Vijesti,  e cila natyrisht jep atë pjesë që flet më shumë për Malin e Zi.
 
Sipas raportit, në këtë vend janë strehuar anëtarët e rrjetit të rrezikshëm japonez Aum Shinrikyo, i cili shkaktoi vdekjen e qindra personave me gaz sarin në Tokio.
 
Njësitë speciale të policisë malazeze, në mars 2016 arrestuan në Podgoricë 58 anëtarë të kultit famëkeq. Në këtë aksion u arrestuan 43 shtetas rusë, shtatë nga Bjellorusia, katër nga Japonia, tre nga Ukraina dhe një nga Uzbekistani, shkruan portali Tesheshi.com.
 
Sekti japonez është përgjegjës për sulmin terrorist në Japoni në vitin 1995, në të cilin 13 vetë u vranë dhe më shumë se 1 mijë u plagosën.
 
Japonia vrau kohët e fundit gjashtë anëtarët e fundit të kultit Aum Shinrikyo, të dënuar me vdekje për sulmin në metronë e Tokios. Shtatë anëtarë të kultit, përfshirë udhëheqësin e Shoko Asahara, u ekzekutuan në korrik.
 
Kulti u akuzua gjithashtu për shtatë vrasje të tjera, si dhe një sulm të mëparshëm sarin në 1994, kur u vranë tetë vetë dhe 600 të tjerë u plagosën.
 
Themeluesi i grupit, Shoko Asahara, i njohur edhe si Chizou Macumoto, e shpalli veten Krisht dhe i pari “i shkolluar” nga Buda.
 
“Aum Shinrikyo” fitoi statusin zyrtar të një organizate fetare në vitin 1989 dhe në kulmin e saj kishte dhjetëra mijëra ndjekës në mbarë botën. Grupi u bë shpejt një “kult që i paraprin apokalipsit”, i bindur se bota do të përfundonte në një luftë të përgjithshme dhe se vetëm ata do të mbijetonin.
 
Pas sulmit në vitin 1995, kulti u tërhoq dhe u quajt “Alef” ose “Hikari no Va”.
 
“Aum Shinrikyo” quhet një organizatë terroriste në Shtetet e Bashkuara dhe në shumë vende të tjera, por “Alef” dhe “Hikari no Va” janë të ligjshëm në Japoni, edhe pse janë shpallur “fe të rrezikshme” nën mbikëqyrje.
 
Mali i Zi është i vetmi vend në rajon ku CIA paralajmëron për rrezikun e terrorizmit.
 
CIA thotë se Serbia nuk i zgjidhi problemet kufitare me Kosovën, Kroacinë dhe Bosnjen . Raporti i CIA-s gjithashtu thotë se rruga për të transportuar heroinë nga Azia në Evropë kalon nëpër Serbi dhe se ekonomia e saj është e ndjeshme ndaj pastrimit të parave.
 
CIA thotë se Shqipëria ka probleme me pastrimin e parave, si dhe kanale për kontrabandën e narkotikëve, armëve dhe emigrantëve në atë vend.
 
Në Bosnje thuhet se problemi i pastrimit të parave dhe korrupsionit është i përhapur, ndërsa gjyqësori është i dobët.
 
Në raport thuhet se Kroacia është një vend tranzit për kontrabandën e kokainës nga Amerika e Jugut në Europën Perëndimore.

/Agjensia e Lajmeve Sot News/

Na Beni Like Ne Facebook: 
You voted 1. Total votes: 6

Lajme nga e njejta kategori

Postuar: 18/09/2018 - 07:11

CIA i ka kushtuar një rëndësi dhe hapjes së kooperativave. Dihet që Hoxha pasi mori pushtetin nisi shtetëzimin e tokës dhe CIA ka treguar detaje nga problemet e pra që u hapën.

Postuar: 16/09/2018 - 07:40

Amerikanët kanë dhënë detaje mbi zhvillimet në Shqipëri gjatë vitit 1955.

Postuar: 15/09/2018 - 08:25

CIA ka renditur 5 arsye kryesore q mund të kenë sjellë fundin e bashkëpunimit Shqipëri-Kinë më 19

Postuar: 14/09/2018 - 07:11

CIA i ka kushtuar një rëndësi edhe marrëdhënieve me Kinën.

Postuar: 13/09/2018 - 07:06

 CIA tregon me detaje se si qeveria komuniste nisi të përçahej në fillimet e saj.

Postuar: 11/09/2018 - 06:59

Amerikanët pretendojnë se në krye të shtetit shqiptar pas viteve 1960 ishin servilët e diktatorit