Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Çmimi i karburantit, lajm i mirë për shqiptarët

Postuar: 16/03/2017 - 19:25

Ekspertët konstatojnë se peshën më të madhe të çmimit të lartë të karburantit në Shqipëri e zënë taksat.

Shqiptarët në furnizimin me karburant paguajnë përpos çmimit të naftës edhe tre taksa, të qarkullimit, karbonit dhe akcizën.

Nga 173 lekë për litër që është çmimi i një litri nafte, 105 lekë janë taksa. Ulja e nivelit të takimit të naftës dhe benzinës vjen i draftuar nga shoqëria civile në një propozim të depozituar në Kuvendin e Shqipërisë. Kërkohet unifikimi i tre taksave në një të vetme dhe ulja e saj në raport me të ardhurat në xhepat e shqiptarëve.

Çdo qytetar që ka një automjet kur blen karburantin paguan në çmimin e naftës apo benzinës edhe 3 taksa, 37 lekë akcizë, 27 lekë për qarkullimin dhe 3 lekë për karbonin, duke zënë edhe peshën më të madhe të kostot së karburantit për qytetarët, shkruan Koha Jonë.

Ndryshimet për uljen e nivelin e taksimit vijnë përmes një drafti të shoqërisë civile i depozituar në Kuvendin e Shqipërisë dhe në qeveri.

Aktivisti i shoqërisë civile, Panajot Soko, arguementon amendimet e kërkuara.

Panajot Soko: Heqja e kësaj shumëllojshmërisë së taksave që i vishen produkteve energjitike, kryesisht karburanteve, heqja e tyre dhe bërja më e thjeshtë, kalimi në një taksë, taska acizore që mund të referohet ose si akcizë ose si taksë kombëtare. Sot nga një çmim 172-173 lekë që është mesatarisht në treg, 105 lekë janë taksa, ndërsa pjesa tjetër është e gjithë industria që përfshin kostot e veta.

Taksa e qarkullimit që paguhet s bashku me karburantin është ajo që duket se ka peshën më të madhe.

Rishikimi i saj lind si nevojë edhe për shkak të përplasjes që ajo has me taksën ndaj koncesionit të rrugëve, sikurse do të ndodhë me Rrugën e Kombit.

Panajot Soko: Pra ne paguajmë takësën e qarkullimit, duhet të paguajmë dhe 5 euro për koncesionarin. Kjo sjell një përplasje.

Ulja e nivelit të taksimit të naftës do të kursejë në xhepat e qytetarëve 25 lekë për çdo litër dhe buxheti i shtetit do të marrë 200 mln dollarë.

 

Panajot Soko: Kostoja e buxhetit për shkak të uljes së çmimit të naftës është rreth 100 mln dollarë, përfitimet që merr për shkak të stimulimit të konsumit shkon në 200 mln dollarë.

Në mbështetje të këtij draft-propozimi, shoqëria civile do ta shoqërojë edhe me protesta.

Panajot Soko: Nuk do të ketë as fjalime, as thirrje. Qytetarët e heshtur, të shqetësuar do të qëndrojnë aty përreth dy orë. Kjo gjë do të vazhdojë ditë për ditë.

Nga taksa e qarkullimit, shteti shqiptar mbledh 15 mld lekë të ardhura, nga ku 5 mld shkojnë për rikonstruksionin e rrugëve, ndryshe nga sa përcakton strategjia e dakordësuar 8 mld lekë. 

 

DRAFTI I PROPOZUAR

 

25 lekë/litër  kursen qytetari

 

200 mln dollarë fiton buxheti i shtetit

 

Tabela

 

TAKSIMI AKTUAL MBI KARBURANTIN

 

Akciza e naftës = 37lekë

 

Taksa e Qarkullimit = 27lekë

 

Taksa e Karbonit = 3 lekë

 

AKCIZA (EUR/LTR)

 

Benzina                               Gazoil

 

Maqedonia    € 0.35                               €  0.20

 

B&H                € 0.18                               €  0.15

 

Serbia              € 0.36                              €   0.25

 

Mal i Zi            €  0.46                            €    0.35

 

Kosova            €  0.31                             €     0.31

/Agjensia e Lajmeve Sot News/

Na Beni Like Ne Facebook: 
Total votes: 13

Lajme nga e njejta kategori

Postuar: 18/01/2018 - 08:16

Autoriteti i Komunikimeve Elektronike dhe Postare do të ndërhyjë brenda këtij viti përtë mbështetur veprimtarinë e qeverisë për tarifën zero të roaming me vendet fqinje dhe reduktim të ndjeshëm të tarifave roaming me vendet e Bashkimit Evropian.

Postuar: 16/01/2018 - 22:31

Ministria e Financave dhe Ekonomisë, në një letër të posaçme drejtuar organizatave të biznesit njoftoi sot të gjitha dokumentet  që gjenerohen online dhe taksat që paguhen

Postuar: 16/01/2018 - 08:03

Pas shlyerjes së plotë për ish të përndjekurve që janë gjallë, qeveria mund të anulojë kompensimet për trashëgimtarët, veçanërisht përtej brezit të parë.

Postuar: 15/01/2018 - 16:36

Monedha vendase është dobësuar sot përkundrejt euros, e cila ka shënuar nivelin më të lartë të këmbimit që prej fillimit të qershorit.

Postuar: 14/01/2018 - 10:23

Qeveria ka bërë gati një strategji 3 vjeçare për zhvillimin modern të zonave rurale në të gjithë vendin.

Postuar: 13/01/2018 - 10:34

Pas ndryshimeve në ligjin për shërbimin e call center në vitin 2016, i cili në thelb synonte frenimin e zhvendosjes së këtyre investimeve në vende që nuk janë pjesë e BE, një tj

Postuar: 13/01/2018 - 10:31

Më datë 18 janar nis procesi i pranimit të kërkesave për kompensimin e pronarëve të pasurive të paluajtshme, që preken nga ndërtimet informale, gjeneralitetet dhe të dhënat e të