BREAKING NEWS

Situata e COVID-19 në vendin tonë, Ministria e Shëndetësisë jep lajmin e mirë, ja sa raste të reja janë shënuar në 24 orët e fundit (Harta e shpërndarjes)

Situata e COVID-19 në vendin tonë, Ministria e
x
BREAKING NEWS

Maturantët çohen në protestë para Qendrës për Shërbimin Arsimor, reagon 'flakë për flakë' ministrja Evis Kushi, tregon vendimin që pritet

Maturantët çohen në protestë para Qendrës për
x
BREAKING NEWS

Priten zhvillime të rëndësishme! Socialistët mbledhin sot Kongresin e jashtëzakonshëm në stadiumin “Air Albania”, rizgjidhen strukturat. Zbardhet e gjithë axhenda

Priten zhvillime të rëndësishme! Socialistët mbledhin sot
x
BREAKING NEWS

“Për të gjithë ata që i japin PS diçka sado të vogël”, Rama del me mesazhin e fuqishëm për të gjithë socialistët

“Për të gjithë ata që i japin PS diçka sado
x
BREAKING NEWS

PS mbledh sot Kongresin, paralajmërohet furtunë në parti dhe në administratë, emrat me më shumë vota drejt katapultimit në qeveri

PS mbledh sot Kongresin, paralajmërohet furtunë në parti dhe
x
BREAKING NEWS

Shantazhet e Berishës ndaj SHBA për të marrë PD, blof për të rritur pazarin, deputetët demokratë kundër rikthimit të tij

Shantazhet e Berishës ndaj SHBA për të marrë PD, blof
x

Ekonomia

Abuzimet me kreditë, zbulohen kompanitë e pezulluara nga BSH, institucionet jo banka rriten ndjeshëm vitet e fundit

Abuzimet me kreditë, zbulohen kompanitë e pezulluara nga BSH,

Pavarësisht problemeve të shtuara në çdo vit nga mikrofinancat, numri i këtyre institucioneve aktive në vend vijon të jetë i lartë. Në tre vitet e fundit numri i jobankave që operojnë në tregun e kredidhënies regjistrohet mbi 30, ku disa prej tyre janë regjistruar edhe në mungesë dokumentacioni. Për këtë, Banka e Shqipërisë ka shtuar kontrollin ndaj mikrofinancave në vend gjatë 2020, ku iu pezulloi aktivitetin 3 institucioneve të tilla, ndërsa për një tjetër institucion nuk aprovoi kërkesën për licencim. “Nga të dhënat deri në fund të vitit, ushtrojnë veprimtarinë financiare 30 subjekte financiare jobanka. Për subjektet financiare jo banka u dhanë gjithashtu miratimet paraprake për 18 administratorë, kryetarë të këshillave drejtues dhe kryetarë të komitetit të kontrollit. Në këtë kuadër, është shtuar edhe numri i inspektimeve në vend, me fokus të veçantë çështjet e financimit të terrorizmit dhe zbatimit të sanksioneve ndërkombëtare. Gjatë vitit 2020 u revokuan 3 licenca të subjekteve financiare jobanka përkatësisht: i licenca e subjektit financiar jobankë “Posta Shqiptare”; licenca e subjektit financiar “Albanian Factoring Services” me kërkesë të subjektit; licenca e subjektit financiar “Pay and Go” si masë mbikëqyrëse”, thuhet në raportin vjetor të publikuar nga BSH. Banka bën me dije se, monitorimet dhe marrja e vendimit për pezullimin e këtyre jobankave janë bazuar në rekomandimet e Moneyval për rritjen e sigurisë së konsumatorit dhe parandalimin e pastrimit të parave. BSH tregoi se kontrollet e thelluara do të vijojnë edhe përgjatë këtij viti. “Përmbushja e rekomandimeve do të vijojë edhe përgjatë vitit 2021. Prandaj , është shtuar numri i inspektimeve, me fokus çështjet e financimit të terrorizmit dhe zbatimit të sanksioneve ndërkombëtare, veçanërisht për subjektet financiare jobanka dhe zyrat e këmbimit valutor, si subjekte më vurnerabël”, thuhet në raport.

Masat që do të zbatohen në 2021

Përmes këtij raporti, Banka e Shqipërisë ka treguar se ndaj mikrofinancave të tjera janë dhënë paralajmërime ose janë vendosur gjoba përgjatë 2020. Por, në mbyllje të vitit të shkuar janë miratuar një sërë rregullash, të cilat zbusin rreziqet e shkaktuar nga tregu i institucioneve jobanka. Vendimi më i fundit ishte ai i vendosjes së një normës tavan për interesin e çdo kredie si për bankat edhe për mikrofinancat. Vendim, i cili do t’i japë efektet përgjatë këtij viti. “BSH si objektiv kryesor identifikimin e hershëm të rreziqeve, si dhe vlerësimin e kontrolleve të brendshme dhe efektivitetit të qeverisjes korporative si faktorë të rëndësishëm të zbutjes së rreziqeve në të gjithë sferën e veprimtarisë së bankave në veçanti, por edhe të subjekteve të tjera jobanka, të cilat licencohen nga BSH-ja. Veprimi në kohën e duhur, marrja e masave rregulluese efektive nëpërmjet mbikëqyrjes së vazhdueshme dhe zbatueshmëria e tyre mbeten hallkat më të rëndësishme për të finalizuar me sukses qëllimin fundor, që ka të bëjë me ruajtjen e shëndetit të subjekteve financiare”, thekson raporti. Masat e tjera lidhen me ndryshimet e bëra në rregulloren; “Për administrimin e rrezikut të kredisë nga bankat dhe degët e bankave të huaja”; në rregulloren “Për administrimin e rrezikut në veprimtarinë e subjekteve financiare jobanka” dhe në rregulloren “Për administrimin e rrezikut në veprimtarinë e shoqërive të kursim-kreditit dhe të Unioneve të tyre”. Edhe këto masa do të japin efekt në rregullimin e tregut dhe eliminimin e abuzimeve përgjatë 2021. Në kohën gjatë pandemisë, fitimet e bankave dhe mashtrimet e tyre u rritën më shumë, prandaj BSH miratoi shtimin e një dispozite të përkohshme në rregulloret për administrimin e rrezikut të kredisë në veprimtarinë e bankave, subjekteve financiare jobanka dhe shoqërive të kursim-kreditit dhe unioneve të tyre.

Më të lexuarat