BREAKING NEWS

“Po e ndaj me ju këtë ngjarje shokuese”, Sazan Guri zbulon bisedën e ‘frikshme’: Funeral falas dhe mbi 1 milion lekë nëse e regjistron vdekjen me COVID-19

“Po e ndaj me ju këtë ngjarje shokuese”, Sazan Guri zbulon
x

Ekonomia

Ahmetaj: Ja sa do të jetë shpërblimi për pensionistët

Ahmetaj: Ja sa do të jetë shpërblimi për pensionistët

Pas disa ditësh qeveria do shpërndajë dhe bonusin e pensionistëve. Lajmin e ka bërë të ditur Ministri i Financave dhe Ekonomisë Arben Ahmetaj në konferencë me gazetarët mbrëmjen e sotme. Ahmetaj tha se bonusi për çdo pensionist do jetë 5 mijë lekë të reja.

“5 mijë lekë të reja për çdo pensionist. Nuk ka pasur të tillë dhe në vitet që vijnë do ta kthejmë në një politikë buxhetore.
Lajm i mirë është dhe rritja e pagës minimale që po shkon në 26 mijë lekë. Rritje graduale. Shumica e kërkesave të sipërmarrjes është marrë parasysh dhe siç iu reformave për shkak të fillimit të progresivitetit mbi të ardhurat përfitojnë dhe mbi 14 mijë të punësuar të tjerë. 98% të punësuarve iu është ulur në mënyrë të konsiderueshme ngarkesa fiskale. Jemi vendi në rajon që e taksojmë pagën më pak se kushdo tjetër. Rajoni i takson 9 ose 19 %, kurse në Shqipëri me mesatare shkon 5.5%. Ka fasha që e kanë 1.89%. Pagat deri në 30 mijë lekë e kanë zero”, tha Ahmetaj.

Ministri deklaroi se kthimi i taksës së sheshtë që kërkon të bëjë opozita do të ishte asgjë më tepër se varfërim i shqiptarëve.
“Çdo vit janë 120 mln dollarë që me taksën e sheshtë do ishin në buxhet duke u bërë rrush e kumbulla. Ndërsa sot janë në tryezat dhe xhepat e shqiptarëve që janë të punësuar”, tha ai.

I pyetur për taksën e qarkullimit, Ahmetaj theksoi se ajo është e trashëguar nga qeveria e PD por kjo qeveri ka përmirësuar administrimin. Ministri i Financave foli dhe për çmimin e karburanteve.
“Taksa e qarkullimit është një instrument që e ka bërë qeveria e PD dikur dhe këmbeu taksën e makinave me një kombinim taksash të tjera dhe e kaloi në taksën e qarkullimit. Është një instrument që e kemi trashëguar. Ne përmirësuam administrimin.
Çmimi i karburanteve varion në tregun ndërkombëtar dhe sigurisht fleksibiliteti i çmimit në Shqipëri nuk është një me një. Çmimi i karburantit nuk është një çmim i kontrolluar. Ne e kemi të trashëguar si taksë qarkullimi dhe vetëm e kemi përmirësuar në administrim”, deklaroi Ahmetaj.