Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Aksioni anti informalitet, në fokus kuponët dhe bizneset që nuk zbatojnë ligjet tatimore

Postuar: 23/09/2017 - 08:18

Pas relaksit që krijoi fushata elektorale, bizneset po ndihen të trembura nga një aksion antiinformalitet që qeveria ka lajmëruar së fundmi. Burime në Drejtorinë e Përgjithshme të Tatimeve sqarojnë se ky do të jetë aksioni më i madh ndaj informalitetit i ndërmarrë ndonjëherë. Kontrollet do të përfshijë të gjitha kategoritë e biznesit dhe do të mbështeten nga të gjitha institucionet që merren me zbatimin e ligjit. Sipas të njëjtave burime, aksioni do të ketë në fokus zbatueshmërinë e ligjeve fiskale tatimore dhe doganore nga të gjitha kategoritë e biznesit. Në vëmendje do të jenë edhe biznese të tregtisë me pakicë në tregti dhe shërbime nëse përdorin kasën dhe kuponin tatimor. Inspektimet do të bëhen nga tatimet në bashkëpunim edhe me doganat dhe do të përfshijnë verifikime në të gjithë zinxhirin, nga importi deri te tregtia me pakicë. Në qendër të kontrolleve do të jenë edhe inventarët, duke marrë në konsideratë analizën e riskut. Por ndërkohë, vendi ka një precedent negativ nga aksioni anti-informalitet i vitit 2015. Vërshimi në terren ndaj bizneseve të vogla për përdorimin e kasës dhe kuponit tatimor çoi në traumë të gjithë ekonominë vendit. Të ardhurat tatimore në vend u rritën vetëm 2.2% në krahasim me faktin e 2014-s ndërsa 91 mijë biznese kaluan në regjistrin pasiv. Investimet private në ekonomi nuk u zgjeruan dhe mijëra biznese në vend panë falimentin. Aksioni i përqendruar më së shumti në bizneset e vogla cenoi rëndë vetëpunësimin, i cili është në vështirësi për shkak të konkurrencës nga qendrat tregtare dhe supermarketet. Por që nga ajo kohë, Drejtoria e Përgjithshme e Tatimeve ka vënë në funksion analizën e riskut dhe tashmë sektorët dhe bizneset që krijojnë evazionin më të lartë në buxhetin e shtetit janë të evidentuara. Tatimet kanë evidentuar si linja me probabilitet të lartë evazioni tregtinë me pakicë, tregtinë me shumicë, profesionet e lira, shërbimet profesionale të biznesit, ndërtimet publike, hotelet dhe restorantet.

/Agjensia e Lajmeve Sot News/

Na Beni Like Ne Facebook: 
Total votes: 15

Lajme nga e njejta kategori

Postuar: 20/02/2018 - 21:00

Ministri i Financave dhe Ekonomisë Arben Ahmetaj ka zhvilluar këtë të martë një takim me sipërmarrjen austriake në vend, ku i ka ftuar biznesmenët të investojnë në Shqipëri. Ahmetaj tha se interesi ekonomik i Austrisë është rritur.

Postuar: 20/02/2018 - 07:55

Bankat vijojnë të mbajnë norma mjaft të ulëta interesi për depozitat, ç’ka ka bërë që qytetarët të mendojnë rrugë të tjera alternative për të “strehuar” kursim

Postuar: 19/02/2018 - 20:54

Në kuadër të punimeve të Forumit të Biznesit Shqipëri-Itali zhvilluar sot në Tiranë, ku një Mision ekonomik i kryesuar nga zv.

Postuar: 18/02/2018 - 10:16

Projekt vendimi i përgatitur nga Autoriteti i Komunikimeve Elektronike për përjashtimin e Albtelekom nga detyrimi për të mbajtur tarifat on- net të njëjta me ato off-net dhe që

Postuar: 17/02/2018 - 11:53

Gjatë vizitës në qarkun e Durrësit, Ministri i Bujqësisë dhe Zhvillimit Rural, Niko Peleshi është ndalur në një serrë organike, ndërtuar me një teknologji bashkëkohore. &nb

Postuar: 17/02/2018 - 10:09

Më shumë se 350 delegatë nga Italia, nga Institucione, Ente, Shoqata, Banka dhe rreth 200 sipërmarrje italiane, të cilat së bashku arrijnë një vëllim xhiroje mbi 17 miliardë eur

Postuar: 17/02/2018 - 10:03

Pas kompanive celulare, Vodafon dhe Telekom, është Autoriteti i Konkurencës ai që hedh poshtë pretendimet e Autoritetit të Komunikimeve Elektronike dhe Postare, se është konsult