Rihetimi i “21 Janarit” trondit Sali Berishën, do të hapet dosja që solli FBI, dëshmi të reja dhe asistencë nga ndërkombëtarët, ja detajet

ATP nxjerr listën e re, ja emrat e pronarëve të prekur nga ndërtimet informale që do të përfitojnë 146 milionë lekë

Shkruar nga Esmeralda HIDA 30 Korrik 2020

ATP nxjerr listën e re, ja emrat e pronarëve të prekur nga

Agjencia e Trajtimit të Pronave ka publikuar dje listën e radhës me emrat që përfitojnë trajtim financiar. Edhe zyrat që bëjnë aplikimet dhe shpërblimet për pronat kanë bazuar vështirësi dhe bllokime gjatë pandemisë, duke u reflektuar në një reduktim aplikimesh nga qytetarët për të qenë përfitues nga ligjet përkatëse për kompensim, sipas kategorive të ndryshme. Por ATP ka vijuar punë e saj me shqyrtimin dhe aprovimin ose jo të atyre pak aplikimeve që janë paraqitur. Sakaq ditën e djeshme ATP ka publikuar një njoftim për shpërndarjen e fondit të kompensimit në vlerë për pronarët e pasurive të paluajtshme, pronë private, që preken nga ndërtimet informale. Sipas këtij njoftimi nga kërkesat e dërguar janë miratuar vetëm 137 të tilla, të cilat i përmbushnin kriteret e vendosura në ligjin përkatës. Qytetarët të cilët u është aprovuar aplikimi përfitojnë këstin e parë , të dytë , të tretë, si dhe këstin e katër dhe të pestë të kompensimit në vlerë monetare, shumë e cila arrin në mbi 146 milionë lekë në total. “Agjencia e Trajtimit të Pronave (ATP) njofton se, më datë 29 . 07 . 2020, ka përfunduar procesin e shqyrtimit për 137 kërkesa, të cilat përfitojnë këstin e parë, të dytë, të tretë, të katërt dhe të pestë të kompensimit në të holla në një total prej 70% të vlerës totale të miratuar me VKM-të përkatëse. Fondi financiar që shpërndahet nga ATP për këto 137 kërkesa,është në vlerën: 146, 069, 238,83 lekë”, thuhet në njoftimin e Agjencisë. Të dhënat në lidhje me pasuritë që kompensohen dhe mbi gjeneralitetet e subjekteve përfitues jepen në listën e emrave të renditur më poshtë.

Dokumentacioni dhe procedurat

Më tej Agjencia thekson se çdo aplikim është shqyrtuar nga personat përgjegjës në zyrat e ATP, të cilët kanë konfirmuar të dhënat e paraqitura nëse janë në përputhshmëri dhe nëse plotësojnë kriteret e përcaktuar në ligjin për kompensim të pronave që preken nga ndërtimet informale. Kështu theksohet se të 137 kërkesat e aprovuara kanë qenë në përputhshmëri të plotë me ligjin nr. 9482, datë 03.04.2006 "Për legalizimin, urbanizimin dhe integrimin e ndërtimeve pa leje", i ndryshuar. Agjencia e Trajtimit të Pronave ka përcaktuar listën e dokumenteve të nevojshme për plotësimin e kërkesës për kompensim. Dokumentet përfshijnë: Kërkesën për kompensimin e pronës, dëshminë e trashëgimisë për të gjithë trashëgimtarët e ligjshëm, prokurën e posaçme, të nënshkruar nga të gjithë subjektet që përfitojnë kompensim, vërtetimin origjinal të lëshuar nga një bankë e nivelit të dytë për hapjen e llogarisë bankare, fotokopjen e dokumentit të identifikimit dhe mandat pagesën. Sakaq ATP sqaron se fillimisht aplikanti duhet të plotësojë formularin e aplikimit dhe të sigurohet që ka të disponueshme të gjitha vërtetime e nevojshme të këtij të fundit si pronar dhe të pronës që është prekur nga ndërtimet pa leje. Menjëherë brenda afatit kohorë të caktuar ATP shqyrton dokumentacionin dhe publikon emrat e aplikantëve përfitues si dhe shumën që di të shkoj për kompensim. Çdo përfitues e merr shumën që i takon në llogarinë e tij bankare. “Agjencia e Trajtimit të Pronave (ATP) njofton subjektet e interesuara se vlerat përkatëse për secilin përfitues do të jenë disponibël në llogaritë e tyre në bankat e nivelit të dytë pas përfundimit të procedurave të transfertave bankare në ditët në vazhdim”, njofton ATP. ATP fton të gjithë subjektet e interesuara, të paraqiten pranë zyrave të saj, në adresën Rruga “Muhamet Gjollesha”, Nr. 54, Tiranë, çdo ditë nga e hëna në të premte, për plotësimin e kërkesës për kompensim dhe dorëzimin e dokumenteve përkatës. Subjekti kërkues (subjekti përfitues/trashëgimtari ligjor/përfaqësuesi me prokurë), në momentin e plotësimit të kërkesës për kompensim, duhet të paraqesë dokumentacioni e nevojshëm.

TIRANË

Beqir Husha

Alkion Dizdari

Indrit Banka

Kosta Llaci

Allandyshe Çene

Beqir Derhemi

Aida Kasharaj

Agron Tela

Iliana Liku

Ilir Llaci

Alkion Dizdari