Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Bien planet e Ahmetajt dhe Canit, shtyhet për në 2020 ulja e nivelit të borxhit publik nën 60%

Postuar: 19/03/2017 - 08:23

Programi i politikave fiskale për periudhën afatmesme 2018- 2020 do të jetë i orientuar drejt konsolidimit fiskal, ku edhe këtë herë theksi është vendosur tek ulja e nivelit të përgjithshëm të borxhit publik. Strategjitë afatgjatë të hartuara nga dy ministrat e fundit të Financave, Shkëlqim Cani dhe Arben Ahmetaj kanë rezultuar të gabuara në këtë drejtim, ndaj edhe MF ka bërë korrigjimet e duhura në strategjinë 2017-2020. Konkretisht, në strategjinë e viteve 2014-2016 ishte parashikuar që niveli i borxhit publik të arrinte në nivelin 60 për qind në vitin 2019. Ndërkohë në strategjinë e re, Ahmetaj duket se ka korrigjuar veten pasi në programin 2018-2020 parashikohet që ky nivel të arrijë në fund të vitit 2020, pra është shtyrë një vit më tepër. Sipas Ministrisë së Financave, në thelb të programit të politikave fiskale është pikërisht konsolidimi i të ardhurave si edhe disiplinimi i investimeve dhe rritja e tyre. Sipas qeverisë, ky konsolidim fiskal do të bëjë të mundur që niveli i borxhit publik ndaj PBB-së të vijojë trajektoren rënëse të nisur që në vitin 2016. Borxhi publik pritet që të bjerë rreth nivelit e 66.3 për qind e PBB-së për 2018, 62.8 për qind në 2019 dhe më tej në 59.6 për qind në vitin 2020. Në të njëjtën kohë, ky kuadër fiskal përfshin një sërë politikash buxhetore për të mbështetur rritjen ekonomike dhe për të kompensuar efektet shtrënguese të konsolidimit fiskal. Investimet publike në periudhën afatshkurtër dhe afatmesëm parashikohen të mbahen në të paktën 4.6 për qind të PBB-së, e cila është e rëndësishme për të ushqyer kërkesën agregate në afat të shkurtër dhe për ta zhvendosur rritjen ekonomike në një nivel të më të lartë në afat të mesëm dhe të gjatë. Gjithashtu, qeveria pret që të sigurojë një nivel optimal investimesh rreth 4.6 për qind të PBB (përfshirë këtu edhe Fondin e Zhvillimit Rajonal, si dhe investimet në sektorin e energjisë të financuara nga buxheti i shtetit). Konsolidimi fiskal dhe reduktimi i borxhit publik është thelbësor për uljen e risqeve të ardhura nga borxhi, të cilat pengojnë rritjen ekonomike dhe shkaktojnë paqëndrueshmëri makroekonomike. Këto janë parimet kryesore që Ministria e Financave ka programuar në Kuadrin Makro Financiar 2018-2020, dokument që është miratuar tashmë nga qeveria. Ky kuadër fiskal synon një deficit fiskal të përgjithshëm prej 1.8 për qind të PBB-së për 2018, nga 2.0 për qind i programuar për vitin 2017; nivel prej 1.0 për qind të PBB në 2019; dhe 0.6 për qind në vitin 2020. Sipas këtij dokumenti, njëkohësisht targëtohet në vijimësi një balancë primare pozitive dhe në rritje për vitet 2018-2020, respektivisht 1 për qind në 2018 nga 0.7 për qind i targetuar në buxhetin 2017; 1.8 për qind në 2019; dhe 2.3 për qind në vitin 2020.

Shqetësimet e FMN

Ndërkohë, një nga kritikët më të mëdhenj të qeverisë për nivelin e lartë të borxhit publik të akumuluar dhe krijuar gjatë këtyre viteve ka qenë Fondi Monetar Ndërkombëtar. Në të gjitha deklaratat dhe qëndrimet, FMN e ka bërë të qartë se ulja e nivelit të borxhit duhet të jetë synimi kryesor i qeverisë. Sipas parashikimeve që bëri në momentin që mori pushtetin në vitin 2013, qeveria socialiste u zotua se do të fillonte të ulte nivelin e përgjithshëm të borxhit që në vitin e parë qeverisës, por diçka e tillë nuk ndodhi. Madje jo vetëm që nuk u ul, por tashmë sipas certifikimeve të Fondit Monetar Ndërkombëtar niveli i borxhit është rritur vitet fundit dhe për vitin 2016 ai arrit në nivelin 72%.

 

/Agjensia e Lajmeve Sot News/

Na Beni Like Ne Facebook: 
Total votes: 8

Lajme nga e njejta kategori

Postuar: 23/11/2017 - 11:05

Shqipëria ka përfomuar nën mesataren e Rajonit dhe vendeve të tjera në tranzicion në gjashtë komponentët që vlerësojnë reformat për zhvillim sipas Raportit të Tranzicionit për 2017-2018 që publikoi Banka Europiane për Rindërtim dhe Zhvillim ( BERZH).

Postuar: 23/11/2017 - 08:24

Shqipëria renditet e 105-a në botë nga 189 shtete, përsa i përket të ardhurave për frymë në vitin 2017.

Postuar: 23/11/2017 - 08:23

Edicioni i 24-rt i Panairit Ndërkombëtar të Tiranës – UFI Approved Event që do të mbahet në datat 23 deri në 26 Nëntor 2017 në Pallatin e Kongreseve, vjen në vëmendjen e v

Postuar: 22/11/2017 - 17:59

Bujqësia shqiptare ndonëse është sektori më pak i maturuar në vend vijon të zgjerohet me ritme shumë të ulta.

Postuar: 22/11/2017 - 07:52

 Shqipëria është vendi më problematik në rajon sa i takon incentivave në taksa, në funksion të rritjes së investimeve të huaja direkte.

Postuar: 22/11/2017 - 07:51

Pasi Gjykata Administrative rrëzoi vendimin e qeverisë që parashikonte që avokatët do të paguanin TVSH nga zero, Tatimet kanë sqaruar mënyrën se si do të veprohet tani.