Bordi i Transparencës miraton çmimet tavan për 4 produkte të shportës dhe karburantit, vaji vegjetal shkon në 321 lekë ndërsa nafta 228 lekë për litër

Bordi i Transparencës së ushqimeve ka vendosur çmimet tavan për 4 produkte të shportës si vaji, orizi, sheqeri dhe mielli. Ajo që bie në sy është se çmimet janë ndjeshëm të rritura krahasimisht me ato të caktuara një javë më parë dhe ndërkohë që vihet re një vlerë tejet e lartë e vajit të lulediellit, i cili është produkt tërësisht importi.Kështu, sipas vendimit të Bordit të Transparencës dhe Monitorimit të Çmimeve të Tregtimit me shumicë/pakicë të produkteve ushqimore bazë dhe produkteve të tjera të lidhura, këto produkte duhet ti ofrohen konsumatorit familjar në markete me çmime jo më të  larta se: 104 lekë/kg për orizin kokërrgjatë (1 kg) ; 123 lekë/kg për sheqerin (1 kg); 321 lekë/litër për vajin e lulediellit ; 90.5 leke/kg për miellin masiv.Ky vendim dhe është i detyrueshëm për të gjitha subjektet që tregtojnë me shumicë/pakicë.  Çmimet janë caktuar pas analizës së bërë për marxhet e fitimit, për secilin prej produkteve, ku marzhi i tregtimit të shitësit me pakicë të orizit kokërrgjatë të paketuar në vend nga distributori, është 4 lekë mbi çmimin e shitjes me shumicë,  4 lekë/kg sheqerin,  6 lekë për litër për vajin e vegjetal, dhe 4 lekë për kg për miellin. Bordi vendosi miratimin e çmimit tavan të tregtimit me shumicë të produkteve për datën 6 prill 2022 deri në mbledhjen e ardhshme të Bordit, si më poshtë: 216 lekë/litër për gazoilin; 196 lekë/litër për benzinën; 103 lekë/litër për gazit të lëngshëm të naftës.Po ashtu Bordi miratoi çmimin tavan të tregtimit me pakicë të produkteve si më poshtë:228 lekë/litër për gazoilin; 208 lekë/litër për benzinën; 115 lekë/litër për gazin e lëngshëm të naftës.