Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Eksportuesit në alarm nga rënia e euros dhe mosrimbursimi i TVSH, thirrje qeverisë të ndërhyjë brenda janarit

Postuar: 12/01/2019 - 07:27

Efekti i kursit të këmbimit dhe vonesat në rimbursimin e Tatimit mbi Vlerën e Shtuar janë bërë edhe një herë shkak për një mbledhje të jashtëzakonshme të Unionit të Eksportuesve Shqiptarë. Në një deklaratë për shtyp të këtij unioni, eksportuesit vënë theksin tek pasojat shkatërruese që kanë pasur këto dy aspekte në sipërmarrjet e tyre që ka rezultuar në fshirje të fitimit dhe asfiksim të sektorit lidhur me nënkontraktorët. “Së pari, rënia drastike dhe e pandalshme e kursit të këmbimit euro-lek. Mbivlerësimi i lekut kundrejt euros ka sjellë një humbje ekstreme për të gjitha ndërmarrjet tona. Të ardhurat e ndërmarrjeve janë në euro dhe shpenzimet janë në lekë. Në kushtet kur euro në raport me lekun është zhvlerësuar mbi 9% gjatë vitit 2018, do të thotë një zhvlerësim i njëjtë i faturimeve (të ardhurave) për kompanitë tona. Theksojmë se fitimi mesatar i ndërmarrjeve eksportuese dhe rieksportuese është rreth 15%, që do të thotë rënie e të ardhurave në masën e 2/3 më pak vetëm për efekt të kursit të këmbimit”, u shpreh Alban Zusi në emër të Unionit.

Bllokimi i rimbursimit të TVSH

Nga ana tjetër, Alban Zusi deklaroi se gjatë muajve të fundit ka patur një bllokim të rimbursimit të TVSH-së dhe për pasojë një bllokim të likuiditeteve të kompanive rieskportuese, që ka sjellë asfiksimin e sektorit, sidomos në marrëdhëniet me nënkontraktorët. “UESH, shpreh shqetësimin e anëtarëve të saj, se paqëndrueshmëria e kursit të këmbimit dhe mosrimbursimi në kohë i TVSH-së po shkatërrojnë qëndrueshmërinë dhe aktivitetin e ndërmarrjeve tona dhe kërkon marrjen e masave urgjente për të normalizuar gjendjen. Së pari: Kërkojmë ndërhyrje të menjëhershme për të stabilizuar kursin e këmbimit euro-lek. Së dyti: Kërkojmë nga ana e qeverisë të bëjë rimbursimin e menjëhershëm të TVSH-së sipas ligjit dhe me përparësi për ndërmarrjet e përpunimit aktiv dhe ndërmarrjeve të tjera që iu takon sipas ligjit rimbursimi i TVSH-së”, nënvizoi Zusi.

Ndërhyrja e qeverisë

Duke analizuar situatën, unioni ka bërë edhe kërkesën tij ndaj qeverisë. “Kërkojmë nga ana e qeverisë të gjejë mjetet e nevojshme për të ndihmuar ndërmarrjet eksportuese të dalin nga gjendja e vështirë dhe të kontribuojë për stabilizimin dhe normalizimin e situatës ekonomiko-financiare të tyre. UESH, nëpërmjet kësaj deklarate, kërkon dialog të hapur me qeverinë shqiptare për të arritur një zgjidhje të shpejtë të këtyre shqetësimeve që prekin një nga sektorët që numëron numrin më të madh të të punësuarave në vend dhe që siguron miliona euro nga eksporti i prodhimeve tona. Ne presim që brenda muajit janar 2019, të ulemi në tryezën e bisedimeve për të gjetur një zgjidhje të përbashkët, që shpëton nga falimentimi numrin më të madh të kompanive tona. Ne deklarojmë se do të përdorim të gjitha mundësitë që na jep ligji dhe e drejta e organizimit në shoqatën tonë, nëse qeveria dhe autoritetet përgjegjëse nuk marrin në konsideratë kërkesat tona të ligjshme”, përfundon deklarata e Unionit të Eksportuesve Shqiptarë.

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 20/03/2019 - 07:21

Moslëshimi i faturës tatimore, dëftesës tatimore apo і faturës tatimore me TVSH, dënohet me gjobë të barabartë me 100% të tatimit të padeklaruar.

Postuar: 19/03/2019 - 18:26

Në raportin e Bankës Botërore dhe Institutit të Vjenës për Studime Ekonomike Ndërkombëtare, thuhe

Postuar: 19/03/2019 - 07:24

Autoriteti i Komunikimeve Elektronike dhe Postare ka hedhur për këshillim publik dokumentin që do

Postuar: 18/03/2019 - 15:55

Shqipëria shënoi nivelin më të ulët të pagës mesatare mujore në rajon, sipas përllogaritjeve të F

Postuar: 18/03/2019 - 10:04

Apartamentet luksoze në zonat qendrore në Tiranë po kapin majat, teksa një sërë projektesh luks

Postuar: 17/03/2019 - 07:56

Tre muaj pas vendimit të Urdhrit të Stomatologut për dyfishimin e çmimeve të shërbimit të stomato

Postuar: 16/03/2019 - 07:29

Ministria e Financave dhe Ekonomisë ka nxjerrë së fundmi një udhëzim të ri, në të cilin përcaktoh