Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Euro nuk ndal rritjen, shikoni sa ka shkuar pas rënies drastike

Postuar: 14/09/2018 - 08:30

Monedha e përbashkët ka shënuar një rritje të fortë sot në tregun e brendshëm valutor, duke arritur në nivelin më të lartë që nga fillimi i qershorit, e ndihmuar dhe nga forcimi i saj në bursat ndërkombëtare në dy javët e para të shtatorit.

Sipas kursit zyrtar të Bankës së Shqipërisë, një euro u këmbye sot me 126.74 lekë, duke u rritur me 0.1 lekë në krahasim me ditën e mëparshme. Ky është niveli më i lartë në tre muaj, që nga koha kur euro kërceu në 128 lekë, si rrjedhojë e ndërhyrjeve të Bankës së Shqipërisë, që tërhoqi valutë nga tregu, pasi monedha e përbashkët nisi një rënie të pakontrolluar, duke zbritur deri në 124.17 lekë, niveli më i ulët ë 10 vjet.

Aktorët e tregut pohojnë se forcimi i euros është sezonal, pas rënies së ai pëson gjithnjë në muajt e verës, të ndikuara nga fluksi i prurjeve të emigrantëve dhe turistëve. Rënia gjithsesi këtë vit ishte e frenuar, deri në 125.83 lekë në mes të gushti, pasi Banka e Shqipërisë ishte vazhdimisht në treg për të mos lejuar nënçmimin e monedhës së përbashkët.

Në krahasim me fillimin e vitit, që u hap me 133 lekë, euro ka rënë me 6.33 lekë, ose me 4.7%. Arsyet e rënies së monedhës së përbashkët lidhen me faktorë të pazakontë, si konvertimet e kapitalit të bankave në pjesë e parë të vitit, apo dhe rritja e eurove që vijnë nga kanalet informale, shkruan “monitor”.Ekspertët e tregut pohojnë se është e vështirë që të parashikohet ecuria e kursit të këmbimit, pasi në Shqipëri faktorët që e ndikojnë atë janë shpesh të paparashikueshëm dhe shkojnë përtej fluksit formal të hyrjes së valutës në vend.

Të dhënat e Bankës së Shqipërisë treguan se ndryshe nga tremujori i parë, kur deficiti i llogarisë korente u përkeqësua, në të dytin ai shënoi një përmirësim që gjithsesi ishte i pamjaftueshëm për të shpjeguar nënçmimin e fortë të euros në periudhën prill-fillim qershori.

Dollari ka qenë në rënie gjatë ditës së sotme, duke u këmbyer me 109.08 lekë, 0.14 lekë më pak se dita e mëparshme.

Në bursat ndërkombëtare euro është forcuar ndjeshëm në shtator, duke arritur në 1.16 USD, nga 1.14 që zbriti në mes të gushtit, pas lehtësimit të frikës së krizës turke dhe të dhënave për ngadalësimin e ekonomisë amerikane.

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 16/02/2019 - 07:22

Autoriteti i Konkurencës do të vazhdojë gjatë vitit 2019 mbikëqyrjen dhe hetimet në tregun e telekomunikacioneve, tregun e energjisë, tregun e hidrokarbureve, tregun financiar dhe të sigurimeve; tregun e tregtisë elek

Postuar: 15/02/2019 - 07:32

Kontrolli i Lartë i Shtetit ka konstatuar dhjetëra probleme në menaxhimin e financave publike.

Postuar: 14/02/2019 - 07:21

Bizneset amerikane ankohen për rimbursimin e TVSH, konkurrencë të pandershme, evazion fiskal, si

Postuar: 13/02/2019 - 07:30

Shqipëria do të ketë atë që njihet si rezerva e sigurisë së naftës dhe nënprodukteve të saj e cil

Postuar: 12/02/2019 - 07:25

Vendimi i qeverisë, i cili lejon vetëm importin e makinave të përdorura “euro 4”, pra

Postuar: 10/02/2019 - 08:00

Komisioni i Prokurimeve Publike i ka hapur rrugën koncesionit të shumëpërfolur për “kontrol

Postuar: 09/02/2019 - 09:08

Pas rritjes së lehtë që pësoi në fillim të kasaj jave, kjo fundjave ka sjellë rënie të euros.