BREAKING NEWS

Shokuese/ Përdhunoi vajzën që shkoi të denonconte përdhunimin nga disa persona, kush është shefi i lartë i Policisë: I kërkoi favore seksuale dhe mbesës së shkrimtarit të madh Martin Camaj

Shokuese/ Përdhunoi vajzën që shkoi të denonconte
x

Ekonomia

FMN parashikon rënie të ekonomisë: Qeveria pritet të mbledhë 600 milionë euro më pak se plani

FMN parashikon rënie të ekonomisë: Qeveria pritet të

Arka e shtetit do të ketë minus 600 milionë lekë në këtë vit. Në këtë rezultat ka dalë Fondi Monetar Ndërkombëtar. Përmes publikimit të një raporti FMN tregon se, mbyllja e pjesës më të madhe të bizneseve për gati një muaj dhe ngrirja e transporti sollën rënien e ndejshme të fitim të të ardhurave në vend. Duke vazhduar më pas me faljen apo shtyrjen e pagesës së taksave gjë e cila lehtëson bizneset, por zbraz arkën e shtetit. Shfrytëzimi i të gjithë rezervave për ardhjen në ndihmë të familjeve në nevojë dhe kryesisht të të moshuarve gjithashtu ndikon në dobësimin e buxhetit të shtetit. Të gjithë këta indikatorë edhe të tjerë do prishin planin fillestar të qeverisë për mbledhjen e të ardhurave gjatë 2020. Fondi parashikon që të ardhurat buxhetore do të jenë këtë vit rreth 430.4 miliardë lekë ose 72 miliardë lekë më pak se plani fillestar i vitit prej 503 miliardë lekësh. Rënia me 16 për qind këtë vit do të pasohet me rishikim në ulje të planit të të ardhurave buxhetore në tre vitet në vijim. Më tej FMN shprehet se, kriza që përcolli në ekonomi pandemia Covid-19 do ndikojë negativisht planin e të ardhurave së paku me 16 për qind nga parashikimi fillestar i vitit 2020, sipas dokumentit të konsultimeve, që bëri me qeverinë në kuadër të kreditimit të shpejtë nga kuotat. Analiza e Fondit tregon se, shtrëngimi i tregjeve financiare do të implikojë nevojën e mbetur të financimit fiskal gjatë vitit 2020. Këto rezultate janë shfaqur që në muajin që lamë pas. Sipas FMN, muaji mars ka filluar të reflektojë pasojat e Covid-19 në ekonomi. Të ardhurat tatimore, që u arkëtuan në buxhetin e shtetit për periudhën janar-mars ishin 97 miliardë lekë, ose 4.5% më pak se e njëjta periudhë e një viti më parë.

MFE raporton rënie, gjendje që do vazhdojë deri në 2023

Jo vetëm rezultatet e publikuara nga FMN, por edhe Ministria e Financave shfaqet pesimiste për rritjen e ekonomisë dhe mbledhjen e të ardhurave për gjatë këtij viti .Të dhënat e MFE tregojnë se në mars u mblodhën nga tatimet e doganat 30 miliardë lekë, nga rreth 37 miliardë lekë në të njëjtën periudhë të një viti më parë, duke shënuar një rënie me rreth 19%. Në vlerë absolute janë rreth 6.9 miliardë lekë ose 56 milionë euro të mbledhura, më pak në krahasim me marsin 2019. Gjithashtu ministria aprovon raportin e FMN për një rënie të të ardhurave edhe në dy vitet në vijim. Konkretisht, Fondi raporton se me 2021 të ardhurat totale do të arrijnë në 487 miliardë lekë nga 531 miliardë të parashikuara para krizës Covid. E njëjta situatë do të shfaqet edhe në fund të viti 2023, kur ekonomia nuk do të jetë në ritme pozitive ndërkohë deficiti buxhetor ecën në ritme negative, pra rritëse. Konkretisht sipas të dhënave në raportin e FMN, diferencat do të vijojnë së paku deri më vitin 2023. FMN parashikon që deficiti fiskal të rritet në rreth 5.5 për qind të PBB-së në vitin 2020. Ndër të tjera në raportin e FMN thuhet se rritja e ekonomisë deri në 4,1% për vitet në vazhdim, si pritshmëri e qeverisë shqiptare, nuk do mund të realizohet. Madje nga e gjithë kjo situatë e shkaktuar më parë nga dëmet e sjella nga tërmeti dhe tani me pasojat e krijuara nga Coronavirusi ekonomia shqiptare do të tkurret në 5%. Kjo do të thotë tkurrje në shpenzime të tjera dhe përforcim për projektin e rindërtimit dhe përballimin e Covid-19. “Rënia e ekonomike e përllogaritur me rreth 5 për qind për Shqipërinë do të zvogëlojë të ardhurat, konkretisht me mbi 2 për qind të PBB-së. Për më tepër, për të adresuar goditjet, buxheti i rishikuar përfshin shpenzimet për rindërtimin, të shprehur në shifra rreth 1.4 për qind të PBB-së, dhe masa shtesë në shpenzime për të kufizuar ndikimin e COVID-19”, shprehet FMN.