Hakerat iranianë godasin sërish, publikojnë të dhënat e patentave të qytetarëve shqiptarë dhe i dërgojnë mesazh të fortë qeverisë

Hakerat iranianë kanë goditur sërish. Këtë të hënë ata kanë publikuar të dhënat e patentave të shqiptarëve. Pasi nxorën të dhënat e sistemit TIMS, numrat e celularëve, targat e makinave dhe të dhënat e ID, hakerat kanë marrë dhe të dhënat e lejeve të drejtimit për çdo shqiptar. “A është më e rëndësishme për ju siguria e terroristëve sesa siguria e “shpikësve” shqiptarë? Ju nuk jeni të gatshëm të paguani çmimin e sigurisë dhe sigurinë e njerëzve tuaj. Atëherë, si e shpenzoni thesarin e qeverisë për mbrojtjen dhe promovimin e terroristëve? A do të thotë kjo gjë tjetër përveç korrupsionit qeveritar?”, shkruajnë hakerët iranianë. Materiali është mbi 1000 faqe dhe aty janë të gjitha të dhënat: numri i identifikimit; emri; mbiemri; atësia; dita e lindjes; vendlindja; grupi i gjakut dhe gjithçka tjetër. Pra duket se skandalet nuk kanë fund. Edhe pse qeveria shprehej se ata nuk kanë marrë të dhëna, duket se tashmë gjithçka është në ëeb. Madje së fundmi kanë dalë në treg dhe bisedat në ËhatsApp. Vlen të theksohet se, që prej vitit 2021 Shqipëria ka rënë pre e sulmeve kibernetike. Një sulm kibernetik u shënua më 15 korrik të këtij viti që bllokoi të gjitha faqet zyrtare shtetërore dhe platforma e shërbimeve online e-Albania. Ndërkohë, më 14 shtator u sulmua sistemi TIMS në të gjitha pikat kufitare të vendit. Për këto sulme Shqipëria ka fajësuar Iranin dhe ka ndërprerë marrëdhëniet diplomatike me këtë shtet. Rënia e sistemit TIMS nxori prej dy ditësh serverat qendror jashtë funksionit, duke shkaktuar kaos në pikat e kalimit kufitar. Ndërkaq, edhe më tronditëse ishte fakti se pas grabitjes së të dhënave konfidenciale, ata vijuan me publikimin e tyre, duke mos kursyer as zyrtarë të lartë. I pari ishte Gledis Nano dhe më pas kreu i qeverisë Edi Rama. Ish-kreut të policisë iu publikuan fillimisht të dhënave dhe më pas e-mailet personale. Ndërkaq, Ramës i dolën detaje mbi të gjitha hyrjet dhe daljet në vend që nga vitit 2004 e deri më sot. Sipas databazës, Rama ka dalë jashtë vendit plot 421 herë, kryesisht nga aeroporti i Rinasit. Teksa 275 nga këto fluturime janë kryer me Charter, 134 dalje dhe 141 hyrje.