Hyn në fuqi indeksimi i pensioneve, ja sa do jetë shtesa në qytet dhe në fshat, Ministria e Financave zbardh të tjera detaje nga vendimi i qeverisë dhe paralajmëron se në dhjetor të moshuarat do të marrin 5 mijë lekë bonus

Plot 767 mijëtë moshuar, prej të cilëve rreth 600 e ca mijë në zonat urbane dhe 100 e ca mijë në ato rurale, duke filluar nga dita e djeshme (1 tetor 2023) do të marrin ca para më shumë në pensionin e tyre.Nga pak më shumë se 17 mijë lekë aktualisht, ajo që merr çdo muaj një i moshuar që jeton në qytet do të bëhet 18 mijë e 800 lekë.Gati 1 mijë e 400 lekë më tepër do të marrin edhe përfituesit e pensionit të invaliditetit në zonat urbane, ndërsa ata që trajtohen me pension familjar do të përfitojnë rreth 700 lekë më tepër.

Reagon zëvendësministrja e Financave

Ndërkohë zëvendësministrja e Financave dhe Ekonomisë, Olta Manjani në një prononcim për mediat dje bëri të ditur se ky vendim vjen në kuadër të politikave që ka marrë qeveria për të garantuar një mbrojtje sociale sa më të mirë për shtresat në nevojë me qëllim reduktimin e efekteve të rritjes së çmimeve.“Në mënyrë të vazhdueshme, si një masë mbrojtëse për të përballuar goditjet e njëpasnjëshme, Qeveria ka ndërmarrë politika që kanë pasur si qëllim forcimin e mbrojtjes sociale, ndaj dhe shpenzimet nga buxheti shtetit kanë ardhur në rritje. Gjatë vitit të kaluar janë realizuar dy indeksime, në total në masën 9.5%, me efekt financiar 5.4 miliardë lekë”, tha zv/ministrja.Sipas Manjanit, vendimi parashikon indeksimin e të gjitha kategorive të pensioneve, atyre të pleqërisë, pensioneve të plota, të pjesshme, të reduktuara, ato të invaliditetit, pensionet në qytet, në fshat, pensione që jepen për ndihma të posaçme shtetërore, etj.Manjani theksoi se mbulon gjithë ndryshimin e çmimeve për periudhën gusht 2022 – gusht 2023.Indeksi i Çmimeve të Konsumit për pensionistët është i ndryshëm nga indeksi i popullatës, pasi merr në konsideratë ndryshimet e çmimeve të mallrave dhe shërbimeve që konsumojnë pensionistët.“Kjo rritje, mbulon gjithë ndryshimin e çmimeve për periudhën gusht 2022 – gusht 2023, të matur nga INSTAT në mënyrë të dedikuar për kategorinë e pensionistëve”, u shpreh zv/ministrja.Ky indeksim, vuri në dukje ajo, rrit bazën e pensionit për vitet e ardhshme.Krahas këtyre rritjeve, Qeveria, ka dhënë edhe bonuset, si ai i fundvitit që tashmë është i përfshirë në Ligjin e Buxhetit të çdo viti dhe i cili do të akordohet edhe këtë vit.Ndër të tjera, Manjani shtoi se në fundvit, pensionistët do të përfitojnë bonus në vlerën 5000 lekë.

Çfarë ka ndodhur?

Kjo rritje, mbulon gjithë ndryshimin e çmimeve për periudhën gusht 2022 - gusht 2023, të matur nga INSTAT në mënyrë të dedikuar për kategorinë e pensionistëve (Indeksi i Çmimeve të Konsumit për pensionistët është i ndryshëm nga indeksi i popullatës, pasi merr në konsideratë ndryshimet e çmimeve të mallrave dhe shërbimeve që konsumojnë pensionistët).Në mënyrë të vazhdueshme, si një masë mbrojtëse për të përballuar goditjet e njëpasnjëshme, qeveria ka ndërmarrë politika që kanë pasur si qëllim forcimin e mbrojtjes sociale, ndaj dhe shpenzimet nga buxheti shtetit kanë ardhur në rritje. Gjatë vitit të kaluar janë realizuar dy indeksime, në total në masën 9.5%, me efekt financiar 5.4 miliardë lekë. Krahas këtyre rritjeve, qeveria, ka dhënë edhe bonuset, si ai i fundvitit që tashmë është i përfshirë në Ligjin e Buxhetit të çdo viti dhe i cili do të akordohet edhe këtë vit.