Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Kompania “Plus” doli nga tregu, të gjithë operatorët e tjerë me rënie të numrit të abonentëve

Postuar: 14/06/2018 - 16:47

Me daljen nga tregu të operatorit të katërt, Plus Communication, numri i përdoruesve të telefonisë celularë ka rënë ndjeshëm. Sipas të dhënave nga Autoriteti i Komunikimeve Elektronike dhe Postare, në tremujorin e parë të këtij viti, numri i përdoruesve aktivë zbriti në 2.9 milionë, afro 20% më pak krahasuar me fundin e vitit të kaluar.

Kuptueshëm mbyllja e operatorit Plus ka pasur një efekt te statistikat e numrave celularë aktivë, megjithatë ajo që bie në sy është se asnjë prej operatorëve të tjera nuk e ka rritur numrin e përdoruesve.

Sipas AKEP, Vodafone Albania ka pësuar rënie të përdoruesve aktivë me afro 22% që nga fillimi i vitit, Telekom Albania ka raportuar 10% më pak përdorues, ndërsa Albtelecom 3% më pak.

Edhe në tremujorin e fundit 2017, kur Plus kishte njoftuar mbylljen e aktivitetit, sërish numri i përdoruesve të operatorëve të tjerë kishte pësuar rënie. Po të shohim statistikat, nuk kuptohet se ku kanë shkuar mbi 200 mijë përdorues të Plus Communication.

Kjo tendencë mund të shpjegohet pjesërisht me faktin që shumë përdorues kanë mbajtur më shumë se një numër celular. Mbyllja e Plus ka bërë thjesht që të reduktohen numrat e dytë apo të tretë celularë në përdorim.

Ende numrat celularë aktivë janë më shumë se numri i banorëve të vendit, çka tregon se shumë shqiptarë ende përdorin më shumë se një kartë SIM. Sidoqoftë, ajo që mund të thuhet me siguri është se askush nga operatorët e tjerë nuk ka përfituar rritje të bazës së klientëve pas daljes nga tregu të Plus.

Operatori që ka pësuar më pak rënie është Albtelecom, ndërsa dy operatorët e tjerë kanë tkurrje dyshifrore të numrit të përdoruesve.

Ulja e numrit të abonentëve aktivë në treg ka ndikuar edhe në rënien e trafikut të komunikimit nga rrjetet e lëvizshme. Volumi total i thirrjeve telefonike ka rënë me 4%, ndërsa numri i mesazheve të shkruara ka rënë me 6% krahasuar me tremujorin e fundit 2017./SCAN

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 24/05/2019 - 07:19

“Kush ka një banesë më të madhe, do të paguajë më shumë taksë prone”.

Postuar: 23/05/2019 - 12:05

Investimet e huaja në fushën e transportit si dhe mbështetja që Qeveria Gjermane i ofron vendit t

Postuar: 23/05/2019 - 07:31

Agjencia Shtetërore e Kadastrës, do të bashkëpunojë me njësitë e qeverisjes vendore për për 

Postuar: 22/05/2019 - 14:04

Monedha e përbashkët nuk po ndal rënien në tregun vendas.

Postuar: 22/05/2019 - 07:22

Bizneset kosovare ankohen për tarifat dhe burokracitë në doganat shqiptare.

Postuar: 21/05/2019 - 07:21

Instituti i Sigurimeve Shoqërore ka miratuar udhëzimin për vendimin më të fundit të qeverisë, mbi

Postuar: 19/05/2019 - 08:03

Kushdo që ka detyrime të papaguara në Tatime, tashmë mund t’i paguajë ato me këste.