Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Kreditimi i ekonomisë, bankat lëshojnë dorën për biznesin dhe individët

Postuar: 12/08/2017 - 09:19

Rezultatet e vrojtimit të aktivitetit kreditues për tremujorin e dytë të vitit 2017 tregojnë për standarde kreditimi kryesisht të pandryshuara për segmentin e bizneseve, pas katër tremujorësh shtrëngimi të njëpasnjëshëm. Ndërkohë që standardet e kredisë për likuiditet kanë shfaqur lehtësim, standardet e kredisë për investime janë shtrënguar.

Sipas raportit të Politikës Monetare të BSH, ulja e komisioneve ka ndikuar pozitivisht në lehtësimin e standardeve, por kërkesat e rritura për kolateral kanë ndikuar në kahun e kundërt. Standardet e kreditimit në segmentin e individëve kanë njohur lehtësim edhe në këtë tremujor. Lehtësimi është shprehur më tepër për kreditë konsumatore, ndërsa kushtet për financimin e kredive për shtëpi nuk kanë shfaqur ndryshim. Përqasja lehtësuese e bankave ndaj këtij segmenti është materializuar nëpërmjet përmirësimit të raportit të këstit ndaj të ardhurave, rritjes së madhësisë së kredisë, zvogëlimit të komisioneve, si edhe lehtësimit të kërkesave për kolateral.

Ndërsa kredia për sektorin privat ka vijuar të shfaqë rritje të moderuar edhe gjatë tremujorit të dytë të vitit, ku portofoli u zgjerua mesatarisht me 2% në terma vjetorë, krahasuar me normën prej 3.1% në tremujorin paraardhës. Ngadalësimi i rritjes së kredisë për sektorin privat reflekton kryesisht tkurrjen e portofolit të kredisë në valutë (-3.2%), tkurrje e cila mbart efektin e mbiçmimit të monedhës vendase ndaj euros dhe dollarit amerikan, veçanërisht në muajt maj dhe qershor. Kredia në lekë vijon të karakterizohet nga një ecuri e qëndrueshme, e mbështetur si nga oferta e favorshme për kredi edhe nga kërkesa në rritje për financim në monedhë vendase.

Sipas të dhënave nga ky raport, portofoli i kredisë në lekë u zgjerua mesatarisht me 9.3% në terma vjetorë në këtë tremujor. Raporti i kredisë për sektorin privat ndaj PBB-së vlerësohet në rreth 36.5% në fund të tremujorit të dytë të vitit. Zhvillimet në aktivitetin kreditues reflektojnë një përmirësim të ngadaltë të kërkesës për kredi dhe kushte të shtrënguara kreditimi për bizneset.

/Agjensia e Lajmeve Sot News/

Na Beni Like Ne Facebook: 
Total votes: 12

Lajme nga e njejta kategori

Postuar: 16/01/2018 - 08:03

Pas shlyerjes së plotë për ish të përndjekurve që janë gjallë, qeveria mund të anulojë kompensimet për trashëgimtarët, veçanërisht përtej brezit të parë.

Postuar: 15/01/2018 - 16:36

Monedha vendase është dobësuar sot përkundrejt euros, e cila ka shënuar nivelin më të lartë të këmbimit që prej fillimit të qershorit.

Postuar: 14/01/2018 - 10:23

Qeveria ka bërë gati një strategji 3 vjeçare për zhvillimin modern të zonave rurale në të gjithë vendin.

Postuar: 13/01/2018 - 10:34

Pas ndryshimeve në ligjin për shërbimin e call center në vitin 2016, i cili në thelb synonte frenimin e zhvendosjes së këtyre investimeve në vende që nuk janë pjesë e BE, një tj

Postuar: 13/01/2018 - 10:31

Më datë 18 janar nis procesi i pranimit të kërkesave për kompensimin e pronarëve të pasurive të paluajtshme, që preken nga ndërtimet informale, gjeneralitetet dhe të dhënat e të

Postuar: 12/01/2018 - 16:19

Dollari amerikan ka prekur sot nivelin më të ulët të tre viteve të fundit, duke u këmbyer sipas kursit zyrtar të Bankës së Shqipërisë me 110.34 lekë, 1.37 lekë më pak se një dit

Postuar: 12/01/2018 - 12:04

Ekonomia shqiptare vuan mungesën e një modeli të rritjes së qëndrueshme ekonomike, e ky është padiskutim problemi numër një.