Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Kreu i BSH, Gent Sejko tallet me deputetët dhe ndërkombëtarët, merr në mbrojtje bankat pas akuzave për rënie të kreditimit

Postuar: 10/05/2019 - 07:19

Edhe pse është kritikuar jo, pak si nga ekspertët vendas ashtu dhe nga ata të huaj për rënien e kreditimit bankar, kreu i Bankës së Shqipërisë, Gent Sejko në vend të marrë masa për të luftuar këtë fenomen, bën krejt të kundërtën, duke dalë hapur në mbështetje të bankave. “Nuk janë vetëm bankat shkaktare kryesore të situatës së kreditimit. Duhet të kuptojmë që bankat janë njëra palë, pala tjetër janë ekonomia, tregu, dhe projektet. Bankat financojnë projekte të cilat plotësojnë kriteret e financimit. Sa më shumë projekte të mira të ketë aq më shumë bankat do t’i përgjigjen këtyre projekteve.Tregu ka një tepricë likuiditeti të mjaftueshme të cilën ne po përpiqemi ta përkthejmë në kredi për ekonominë”, pohon Sejko.

Sejko, asnjë strategji për rritjen e kreditimit

Gjatë një konference për mediat dy ditë më parë, guvernatori i BSH, Gent Sejko u pyet mbi një rekomandim të Komisionit të Ekonomisë dhe Financave, për krijimin e një strategjie tëre që do t’i shtynte bankat të japin kredi për bizneset. Në vend të shpalosjes së një strategjie, Sejko pohoi se në fakt kreditimi ka qenë i kënaqshëm, duke dalë kështu hapur kundër deputetëve shqiptarë si dhe ekspertëvbe të huaj, siç janë ata të FMN, të cilët vetëm pak ditë më parë i kërkuan gjithashtu BSH një plan të ri efektiv për rritjen e kreditimit. “Në fakt, kreditimi është rritur në mënyrë të moderuar gjatë viteve të fundit. Por për shkak të disa faktorëve - mbiçmimi i kursit të këmbimit dhe nxjerrja e kredive me probleme jashtë bilanceve të bankave - teprica e kredisë ka rënie. Kredia ka pasur një rritje prej 5 % vitin e kaluar dhe 6% në tremujorin e parë të viti 2019, e zhveshur nga këta faktorë. Kjo rritje ka qenë dhe më e lartë se sa niveli i rritjes së PBB-së, që ishte 4.1% për vitin 2018”, deklaroi ai, duke shtuar dhe se plani aktual ka qenë funksional. Sipas tij, ky plan është hartuar jo vetëm për të përmirësuar bilancet e bankave dhe stabilitetin financiar të vendit, por kryesisht për nxitjen e kreditimit. “Ai ka rezultuar pozitiv dhe ka bërë që raporti i kredive me probleme të ulet nga niveli 25% në vitin 2013 në 11% në fund të vitit 2018. Banka e Shqipërisë ka marrë dhe shumë masa të tjera mikro dhe makroprudenciale, të cilat kanë pasur efektin e tyre. Disa prej këtyre masave kanë qenë të lidhura me mjaftueshmërinë e kapitalit të bankave dhe stimulimin e kreditimit në raport me mjaftueshmërinë e kapitalit, duke u kujdesur për ndikimin që këto masa do të kishin në tepricën e likuiditetit. Pra, bankat janë stimuluar që depozitat ose likuiditetet e tepërta të përktheheshin më shumë në kredi për ekonominë se sa të mbaheshin si vendosje në bankat e huaja”, ka vijuar Sejko.

Ruajtja nga kreditë me probleme

Gjatë konferencës për mediat, Sejko pranoi në mënyrëtë tërthortë se kreditimi i ulët ka në thelb ruajtjen nga kreditë e reja të këqija. Ai madje u bëri apel bankave që të japin kredi të shëndetshme, duke nënkuptuar që vetëm projekte serioze meritojnë kreditim. “Ne jemi duke punuar edhe mbi ndryshime të tjera rregullative për të stimuluar kreditimin, por gjithmonë në mënyrë të kujdesshme që të mos krijojmë përsëri kredi me probleme. Në vijim, ne do të bashkëpunojmë ngushtë me Shoqatën Shqiptare të Bankave dhe shoqatat e biznesit në mënyrë që të vazhdojë kreditimi në ekonomi. Në analizat tona ne parashikojmë që rreziqet janë në kahun e poshtëm. Prandaj dhe sektori bankar dhe sistemi financiar duhet të ecin në mënyrë të kujdesshme, të ndikojnë në rritjen ekonomike të vendit, të ushtrojnë rolin dhe funksionin e tyre në kreditim, por të japin kredi të shëndetshme. Pra, të jepen kredi për projekte serioze të cilat të jenë të kthyeshme. Nga ana tjetër, duhet të kemi dhe një kërkesë të shëndetshme agregate që vjen si pasojë e tregut”, përfundoi guvernatori i BSH, Gent Sejko. 

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 20/08/2019 - 07:30

Agjencia e Prokurimit Publik ka përjashtuar nga tenderat plot 18 kompani.

Postuar: 18/08/2019 - 07:48

Ditën e martë, në datën 20 gusht është afati i fundit për pagesën e dividentit.

Postuar: 17/08/2019 - 07:41

Ministrja e Financave dhe Ekonomisë, Anila Denaj ka vendosur të ndryshojë procedurat për pagesën

Postuar: 16/08/2019 - 07:32

Banka Botërore do të ndërhyjë për t’i dhënë zgjidhje kaosit të krijuar me pronat në Shqipër

Postuar: 15/08/2019 - 07:31

Autoriteti i Mbikëqyrjes Financiare ka miratuar një udhëzim, në të cilin përcaktohet qartë se çdo

Postuar: 14/08/2019 - 07:25

Autoriteti i Mbikëqyrjes Financiare paralajmëroi ditën e djeshme shkarkimin e kryetares së Byrosë

Postuar: 13/08/2019 - 14:27

Monedha e përbashkët europiane e ka rinisur sërish javën e nënçmuar përkundrejt lekut vendas.