Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Monopoli i kolaudimit, vishet me mister shtyrja e kontratës me SGS, reagon MIE por nuk jep arsyet e vendimit

Postuar: 05/09/2019 - 07:34

Vishet me mister shtyrja e kontratës me kompaninë që ka marrë me koncesion kolaudimin e makinave. Ministria e Transporteve ka shtyrë deri në dhjetor 2020 kontratën, edhe pse duhej që të ishte mbyllur bashkëpunimi. Dje reagoi ministria, duke dhënë disa sqarime mbi këtë lëvizje. “Bazuar në legjislacionin në fuqi, parashikimet e Kontratës bazë të Koncensionit si dhe kërkesën e shoqërisë “SGS Automotive Albania”, përfaqësuesit e MIE kanë zhvilluar disa takime negociuese me përfaqësuesit e kompanisë koncensionare, në lidhje me shtyrjen e afatit të kontratës. Në përfundim të këtyre takimeve u vendos të nënshkruhej kontrata shtesë e Koncensionit, në të cilët palët kanë rënë dakord për ndryshimin e përfundimit të kontratës duke vendosur afatin e ri deri më datën 31.12 2020”, thuhet në deklaratë. Sipas MIE, në kontratën shtesë përcaktohet se përgjatë periudhës koncensionare Autoriteti Kontraktues, në kuadër të liberalizimit të tregut të shërbimit të kontrollit teknik të automjeteve, mund të kryejë procedurat për lidhjen e një kontratë/ marrëveshjeje me subjekte të tjerë për ofrimin e shërbimit të kontrollit teknik të automjeteve, e cila do të nënshkruhet pasi të zgjidhet kontrata koncensionare. “Në këtë rast Autoriteti Kontraktues duhet të njoftojë koncensionarin 3 muaj para nënshkrimit të ndonjë marrëveshjeje me subjekte të tjerë për ofrimin e shërbimit të kontrollit teknik. Me përfundimin e afatit 3 mujor të njoftimit, kjo kontratë koncensionare konsiderohet e zgjidhur dhe koncensionari heq dorë nga çdo pretendim për këtë zgjidhje të kontratës”, thuhet më tej. Por në deklaron e ministrisë ka dy pikëpyetje. Së pari nuk dihet se kur kanë nisur diskutimet me SGS, ndërkohë që sipas kontratës, duhet të kishin nisur që para 6 muajve. Në media është folur dje se diskutimet kanë nisur para 3 muajsh dhe jo 6. Pyetja tjetër është se nuk shpjegohet arsyeja se përse nuk u ndërpre tani kontrata, por bëhet një marrëveshje e re, ku sanksionohet që qeveria ka të drejtë të lidhë kontratë me dikë tjetër. Pra është mister ende se përse nuk pati një përfundim normal të kontratës, pasi kolaudimi është gangrenë e problemeve.

Koncesioni i SGS

Koncesioni i kontrollit teknik të automjeteve u dha në vitin 2009 me afat dhjetëvjeçar. Marrëveshja e koncesionit parashikon detyrimin e kompanisë për të investuar 561 milionë lekë (afro 4.3 milionë euro). Në shkëmbim të këtij investimi, qeveria shqiptare i kalonte të drejtën të arkëtonte tarifën e kontrollit vjetor teknik të automjeteve, tarifë e cila deri në atë kohë ishte pjesë e të ardhurave të buxhetit të shtetit. Të dhënat e bilanceve të kompanisë, të para nga BIRN tregojnë se kompania realizoi përgjatë periudhës nëntëvjeçare nga viti 2009 deri më 2018 të ardhura totale prej 6.3 miliardë lekësh, fitim operativ prej 1.3 miliardë lekësh dhe fitime neto pas taksave prej 842 milionë lekësh. Përfitimet totale të kompanisë mëmë nga koncesioni mund të jenë më të larta se sa kaq. Për shembull, kompania duket se zgjodhi ta kryejë investimin prej 561 milionë lekësh që kishte detyrim kontraktor pjesërisht duke marrë hua nga kompania mëmë dhe pjesërisht përmes një injektimi kapitali në masën në 190 milionë lekë (afro 1.3 milionë euro) në vitin 2011 me financim nga kompania mëmë. Përgjatë viteve, SGS Automotive Albania sh.p.k pagoi interesa për kredinë që mori nga kompania mëmë. Gjatë vitit 2018, kompania koncesionare SGS Albania pati 192 milionë lekë fitime neto dhe një kthim në masën 100% mbi kapitalin aksioner të kompanisë, i cili ishte 190 milionë lekë. SGS është një nga shumë koncesionet kontroverse të nënshkruara nga qeveria e kaluar e Partisë Demokratike dhe ajo e qeverisë aktuale të kryeministrit Edi Rama, koncesione që kanë krijuar më së shumti monopole me kosto prej qindra milionë eurosh në vit në një nga vendet më të varfra në Europë

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 09/12/2019 - 12:05

Në tregun valutor vendas, dollari amerikan blihet me 110.30 lekë dhe shitet me 111 lekë.

Postuar: 08/12/2019 - 08:09

Kryetari i Komisionit të Ekonomisë, Arben Ahmetaj, ka propozuar ndryshim në ligjin për ri

Postuar: 07/12/2019 - 07:24

Realizimi i plotë i procesit të fiskalizimit është tashmë një nga prioritetet e qeverisë për muaj

Postuar: 05/12/2019 - 07:27

Qeveria ka vënë në zbatim planin për të ulur numrin e familjeve që përfitojnë ndihmë ekonomike.

Postuar: 05/12/2019 - 07:26

Kohët e fundit disa bashki në vend po investojnë për rikonstruksion të impianteve të ujit, nga an

Postuar: 04/12/2019 - 09:00

Zbardhet lista e katërt me emrat e naftëtarëve minatorëve dhe metalurgëve që do të përfitojnë pen