Mungesa e punëtorëve po ‘kyç’ dyert e bizneseve, eksperti ngre alarmin: Punëdhënësit të jenë më mbështetës ndaj punonjësve të tyre, zbulon se cilët janë sektorët më problematik

Mungesa e fuqisë punëtore po ‘kyç’ dyert e bizneseve, eksperti ngre alarmin: Punëdhënësit të jenë më mbështetës ndaj punonjësve të tyre, sezonin veror e pret...

Rritja e çmimeve ka bërë jetesën e pa përballueshme , e si zgjidhje kanë gjetur largimin nga veni për kushte ekonomike më të mira. Zbutja e kushteve për punonjësit nga Ballkani, kaq ka mjaftuar që shumica e shqiptarëve të marrin arratinë drejt vendeve europiane.

Kjo situatë prej vitit të kaluar është ndjerë në mungesë të theksuar stafi punoinjësish, e sidomos në sektorin e punësimit sezonal.

“Sektorët më problematikë sigurisht që është sektori fason, ka deklaruar rreth 20 mijë nevoja për punonjës. Është sektori i bareve dhe restoranteve, sektori i industrisë së prodhimit, është sektori i turizmit që po vjen avash dhe sezoni turistik dhe nevojat janë shumë të larta”, thotë eksperti Erion Muça.

Sipas ekspertit Erion Muça, duhet që punëdhënësit të shikojnë me prioritet punonjësit e tyre.

“Duhet të bëhen më të ndjeshëm për punonjësit e tyre, duhet të ndërtojnë një sistem të mirëfilltë vlerësimi të performancës, efiçencës dhe rezultateve për punonjësit e tyre. Do duhet të ofrojnë dhe të standartizojnë sistemin e pagave dhe progresivitetin e rritjes së tyre mbi bazën e vjetërsisë në punë, mbi bazën e kontributit dhe angazhimit që ka një punonjës.

Të mos i atribuojnë vetes një marzh shumë të lartë fitimi dhe të ardhurash, por ta shpërndajnë atë në formën e rritjes së pagave për punonjësit, në formën e paketave të benefiteve dhe në formatin e bonuseve për punonjësit”.

Shkalla zyrtare e papunësisë në Shqipëri, për popullsinë 15 vjeç e lart sipas INSTAT është 10,8%.