Zbardhet vendimi i plotë i Bordit të Transparencës, ja sa do të jetë çmimi i karburanteve në Shqipëri deri në datën 21 Mars

Pas disa ditësh çmimi i benzinës do të tregohet më shtrenjtë se sa ai i naftës në shitjet me pakicë. Ky është vendimi më i fundit i marrë nga Bordi i Transparencës në lidhje me vendosjen e çmimit të shitjes së karburanteve, të naftës dhe benzinës.

"Çmimi i shitjes me pakicë të nënproduktit gasoil i standardit SSH EN 590 për periudhën 16 Mars-21 mars 2022,  të  jetë 203 lekë/litri. Çmimi i shitjes me pakicë të nënproduktit benzinë e standardit SSH EN 228  për periudhën 16 Mars-21 mars 2022,  të  jetë 206 lekë/litri", thuhet në vendimin e Bordit.

Pra ky institucion që vlerëson situatën e bursës së tregut ndërkombëtar dhe më pas vendos çmimet e naftës dhe të benzinës në Shqipëri ka vendosur që për pesë ditë të aplikohen çmime të ndryshme nga pikat e karburantit për shitjen e benzinës dhe naftës. Ndërsa pa ndryshuar ka mbetur çmimi i gazit.

Vendimi i Bordit të Transparencës datë 16.3.2022

Bordi i Transparencës i ngritur me vendim Qeverie, me qëllim kufizimin  e përkohshëm  të çmimeve  të tregtimit  me shumicë/pakicë,  sot në datë 16 mars 2022, në mbledhjen e tij të rradhës,  bazuar në metodologjinë e ndërtimit të çmimeve sipas nenit  21/5 të Aktit Normativ, ky Bord vendosi:

1.      Çmimi me shumicë i nënproduktit gazoil do të jetë 199 lekë/litër,  dhe nënproduktit benzinë për periudhën 16 Mars-21 Mars 2022, të jetë 193 lekë/litër

2.      Çmimi i shitjes me pakicë të nënproduktit gasoil i standardit SSH EN 590 për periudhën 16 Mars-21 mars 2022,  të  jetë 203 lekë/litri.

3.      Çmimi i shitjes me pakicë të nënproduktit benzinë e standardit SSH EN 228  për periudhën 16 Mars-21 mars 2022,  të  jetë 206 lekë/litri.

4.      Çmimi i shitjes me pakicë të  nënproduktit gaz për periudhën 16 Mars-21 mars 2022,  të jetë I pandryshueshëm 93  lekë/litri.

Bordi i Transparencës do mblidhet përsëri ditën e hënë, datë 21.03.2022 me qëllim pasqyrimin në çmimin e shitjes me pakicë të këtyre nënprodukteve, të ndryshimeve të mundshme të çmimeve në tregjet ndërkombëtare.

Çdo operator i shitjes me shumicë dhe pakicë të nënprodukteve të naftës, është i detytuar të zbatojë Vendimin e Bordit të Transparencës në lidhje më çmimet e shitjes me shumicë dhe pakicë.

Organet ligjzbatuese do kontrollojnë zbatimin e vendimeve të Bordit të Transparencës çdo ditë.

Në rast të shkeljeve të konstatuara nga operatorë të ndryshëm, do të zbatohen penalitetet e përcaktuara në Aktin Nortmativ.