Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Pas rrëzimit në Kushtetuese, qeveria rrit sërish tarifat e licencimit të karburanteve, 3 milionë lekë për Bashkinë e Tiranës, 1 milion lekë për rrethet

Postuar: 20/04/2017 - 08:08

Pas rrëzimit në Gjykatën Kushtetuese, qeveria ka vendosur të rivlerësojë tarifat e licencimit të karburanteve. Në mbledhjen e djeshme, Këshilli i Ministrave miratoi vendimin për tarifat e reja të licencave të karburanteve, duke i ulur ato në krahasim me vendimin e dhjetorit të 2015, por duke i rritur në krahasim me tarifat aktuale. Kështu, sipas vendimit të djeshëm të qeverisë, ka rivendosur tarifën e rilicencimit të stacioneve të shitjes së karburanteve në 3 milionë lekë për Tiranën dhe 1 milion lekë për rrethet. Ky vendim erdhi pasi në nëntor të vitit të kaluar, Gjykata Kushtetuese kishte hedhur poshtë si antikushtetues tarifat e mëparshme prej 5 milionë lekë për Tiranën dhe 2 milionë lekë për rrethet. Këto tarifa ishin shumëfishuar në dhjetor 2015, nga përkatësisht 30 mijë dhe 20 mijë lekë. Në vendimin e ri të qeverisë përcaktohet gjithashtu se organi që ka për detyrë të japë licencën informon menjëherë inspektoratin shtetëror përgjegjës dhe bashkëpunon me të për marrjen e masave të bllokimit të veprimtarisë së subjekteve që ushtrojnë pa licencë aktivitetin e tregtimit me pakicë të karburanteve, gazit të lëngshëm, të naftës për automjetet, vajrave lubrifikante dhe lëndëve djegëse, për përdorim nga konsumatorët fundorë. Po ashtu, organi që ka për detyrë të japë licencën informon Drejtorinë e Përgjithshme të Doganave dhe Drejtorinë e Përgjithshme të Tatimeve për subjektet e licencuara dhe vendndodhjen e pikave të depozitimit apo të tregtimit, në mënyrë që këto të fundit të kontrollojnë zbatueshmërinë e legjislacionit në fuqi.

Tarifat e dhjetorit 2015

Me një vendim të papritur në dhjetor të vitit 2015, Këshilli i Ministrave vendosi në mënyrë të papritur dhe pa u diskutuar me grupet e interesit, të shumëfishonte pagesën për dhënien dhe përsëritjen e licencave për stacionet e shitjes së karburanteve, gazit të lëngshëm të naftës, për automjetet dhe vajrave lubrifikantë, duke e bërë atë 5 milionë lekë, për Bashkinë e Tiranës, dhe 2 milionë lekë, për bashkitë e tjera. Kjo VKM rriti tarifën me 50-fish për Bashkinë e Tiranës dhe 20-fish për bashkitë e tjera. Më parë, tarifat ishin përkatësisht 30 mijë lekë dhe 20 mijë lekë. Operatorët e çuan vendimin në Kushtetuese dhe më 2 nëntor 2016, Gjykata Kushtetuese, pasi shqyrtoi dhe analizoi pretendimet e ngritura nga kërkuesi vendosur të pranojë pjesërisht kërkesën e grupeve të interesit, duke vendosur shfuqizimin e pikës 9 të kreut II të vendimit të Këshillit të Ministrave “Për përcaktimin e procedurave dhe të kushteve për dhënien e licencave për tregtimin e naftës bruto dhe nënprodukteve të saj”. Gjykata Kushtetuese, me vendimin 86 30/12/2016 e ka quajtur antikushtetues VKM 970 2/12/2015, me anë të të cilit u shumëfishua tarifa e rimarrjes së lejes së tregtimit. Gjykata argumentoi se ky veprim ishte abuziv, tejkalonte të drejtën që ligjvënësi i ka dhënë qeverisë dhe kjo ishte jo proporcionale, pasi kjo tarifë paguhet karshi shërbimit që merr. Tashmë qeveria vendosi të ridimensiononte tarifat, duke i rritur sërish edhe pse jo aq sa në fund të 2015.

 

/Agjensia e Lajmeve Sot News/

Na Beni Like Ne Facebook: 
Total votes: 13

Lajme nga e njejta kategori

Postuar: 19/09/2017 - 12:26

Qeveria i ka kushtuar vëmendje reduktimit të aksidenteve rrugore nëpërmjet forcimit të penalitetëve të Kodit Rrugor dhe rritjes se investimeve në sigurinë rrugore.

Sipas INSTAT, në muajin gusht 2017 numërohen 215 aksidente rrugore nga 198 aksidente të ndodhur në Gusht 2016.

Postuar: 19/09/2017 - 07:54

Ministria e Financave ka gjetur në një inspektim financiar shkelje skandaloze të ligjit në Autoritetin Rrugor Shqiptar, çka i ka kushtuar buxhetit të shtetit një borxh të ri pre

Postuar: 19/09/2017 - 07:54

Në kuadër të Programit Qeverisës dhe prioriteteve të 100 ditëve të para, qeveria do të fillojë një operacion në terren, që synon pastrimin e nyjeve dhe hapësirave në akset kryes

Postuar: 18/09/2017 - 15:43

Ministria e Financave dhe Ekonomisë njoftoi se ditën e martë do të zhvillohet ankandi i Bonove të Thesarit 12-mujore në Bankën e Shqipërisë.

Postuar: 17/09/2017 - 08:15

Asgjësimi i kartëmonedhave, monedhave metalike shqiptare dhe bonove të privatizimit do ti nënshtrohen rregullave të reja që synojnë forcimin e masave për kryerjen e këtyre proce

Postuar: 15/09/2017 - 08:03

Ashtu siç paralajmëroi dhe ministri i Financave dhe Ekonomisë, Arben Ahmetaj, Drejtoria e Përgjithshme e Tatimeve ka njoftuar bizneset për nisjen e aksionit të ri anti-informali

Postuar: 15/09/2017 - 08:00

Linja 400 kv e interkonjeksionit Kosovë- Shqipëri, e cila qëndron jashtë funksioni prej dy vitesh pavarësisht përfundimit të saj, duket se do të hyjë në një fazë të re.