Petro Koçi kritika për prokurimet: Prokurimet në Shqipëri i bëjnë shtatzënë me pisllëkun, financat publike si torta e pavarësisë

Deputeti i Partisë Socialiste, Petro Koçi deklaroi votën pro ndaj pr/ligjit për prokurimet, por nuk i kurseu kritikat e tij. Në parlament, ai deklaroi se në Shqipëri financat publike nuk i konsiderojnë të shenjta, por ai që e ka dorën më të gjatë merr më shumë. Koçi tha se duhet të rishikohen disa rekomandime në ligjin e ri të prokurimeve publike. Ai deklaroi se financat publike ne vendin tone i konsiderojnë si ajo torta e pavarësisë, ku më i zoti merr pjesën me te madhe.“Ne duhet të pranojmë që në shoqërinë shqiptare financat publike nuk konsiderohen të shenjta, i mendojnë si ajo torta e 100-vjetorit të pavarësisë në Tiranë, ku ai që i ka duar më të gjata dhe gojën më të madhe merr pjesën më të madhe. Në përgjithësi prokurimet në Shqipëri i bëjnë shtatzëne me pisllëkun. Si ka mundësi që kur një kompani fiton një prokurim dhe pastaj ia kalon një nën kontraktoi tjetër me një çmim më të ulët. Edhe kjo duhet parë në ligjin e ri. Tjetër që ndodh është që kriteret e prokurimeve paracaktojnë fituesin. Këtë ligji duhet ta shikojë me rreptësi”, tha ndër të tjera Petro Koçi. Ai tha se  prokurimet edhe kur bëhen si duhet ka dyshime. Deputeti deklaroi se të njëjtat subjekte marrin në dorë projekte në një kohë të shkurtër.“Dhe kur bëhen prokurimet ashtu siç duhet praktikisht ne kemi shumë dyshime në përgjithësi si shoqëri. Unë dua të përshëndesë, iniciativën e Kryeministrit që ka thënë se ky është një proces që do të rishikohet duke përfshirë dhe standarde dhe protogonistë ndërkombëtar në këtë proces. Ajo që dua të theksoj është  fakti se shpeshherë ndodh që të njëjtat subjekte marrin disa projekte brenda një kohe të shkurtër, ku në fakt kapacitetet i kanë të kufizuara dhe është e vështirë t’i përdorin edhe në një projekt e pastaj në një projekt tjetër. Si ka mundësi që një kompani fiton një prokurim dhe ia kalon pastaj një nënkontraktori tjetër me një çmim shumë më të ulët të një procesi të caktuar operacional”, tha ai.