Qeveria ‘merr në dorë’ kontrollin e brendshëm në institucionet publike dhe emëron kryeaudituesit, ja rastet kur bllokohen fondet

Qeveria synon të vendos më shumë kontroll ndaj mënyrës se si institucionet qendrore apo vendore shpenzojnë buxhetet e tyre për të shmangur abuzimet dhe korrupsionin. Për këtë arsye janë iniciuar ndryshime ligjore në ligjin “për auditimin e brendshëm në sektorin publik, draft i cili është hedhur për konsultim, pasi janë evidentuar problematika të shumta në zbatimin e legjislacionit të vjetër. Kështu, sipas relacionit, propozimet në ligj parashikojnë theksimin e rolit të Ministrit të Financave, në mënyrë të dyanshme, dhënien e përgjegjësive po ashtu dhe krijimin e mekanizmave të nevojshme për realizimin e këtyre përgjegjësive. Këto ndryshime konsistojnë në të drejtën e Ministrit të Financave për të vendosur . Gjithashtu projekt akti parashikon se në rast mosrespektimi nga titullari i njësisë publike të kërkesave të ligjit, ministri i Financave rezervon të drejtën e bllokimit të përkohshëm të përdorimit të fondeve buxhetore, të përcaktuara në aktin vjetor të Buxhetit të Shtetit, për vitin përkatës, në nivel programi, zëri apo projekti, deri në plotësimin e kërkesave ligjore. Po ashtu, qëllimi i ndryshimeve të propozuara është zhvendosja e fokusit nga ndërtimi drejt zhvillimit profesional te kapaciteteve audituese, çka do të realizohet duke vendosur kritere që nxisin motivimin, promovimin ne karriere dhe edukimin gjate gjithë jetës profesionale të audituesve të brendshëm.  Në optikën e draftit, auditimi i brendshëm është një hallkë e rëndësishme në “ zinxhirin” e palëve të përfshira në luftën kundër mashtrimit dhe korrupsionit.