Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Qeveria miraton vendimin, ja emrat e 200 pronarëve që marrin tapinë për tokën në 5 qarqe

Postuar: 08/02/2019 - 07:26

Qeveria miratoi në mbledhjen e fundit kalimin e së drejtës së pronësisë për parcelat ndërtimore ku janë ndërtuar objekte pa leje. Bëhet fjalë për 200 pronarë, (emrat e të cilëve gjenden në listën e mëposhtme), të cilët sipas këtij vendimi do të përfitojnë certifikatën e pronësisë. Pronarët përfitues që do të marrin certifikatën e pronësisë brenda 5 ditëve janë në 5 qarqe; në Tiranë, Durrës, Shkodër, Lezhë dhe Dibër. Trualli që i kalon në pronësi këtyre qytetarëve, aktualisht është në pronësi shtet, ose me pronar të tretë. Nëpërmjet këtij vendimi shteti heq dorë nga pronësia për këto troje, duke ia kaluar qytetarëve, për rastet kur trualli është me pronar shtetin. Ndërsa për rastet kur trualli ka pronar të tretë, më tej do të vazhdohet me procesin e kompensimit të tyre.

Parcelat sipas qarqeve

Numri i parcelave ndërtimore për të cilat sapo është miratuar kalimi i pronësisë sipas qarqeve është: Për Qarkun Dibër (ZVRPP Dibër, Bulqizë, Mat), numri i parcelave ndërtimore është 63, me sipërfaqe të përgjithshme 15 278 m²; Për Qarkun Lezhë (ZVRPP Lezhë, Kurbin), numri i parcelave ndërtimore është 15, me sipërfaqe të përgjithshme 4 781 m²; Për Qarkun Shkodër (ZVRPP Shkodër), numri i parcelave ndërtimore është 3, me sipërfaqe të përgjithshme 614 m²; Për Qarkun Tiranë (ZVRPP Tiranë), numri i parcelave ndërtimore është 61, me sipërfaqe të përgjithshme 17 639 m²; Për Qarkun Durrës (ZVRPP Durrës), numri i parcelave ndërtimore është 58, me sipërfaqe të përgjithshme 21 767 m². Sipas vendimit të qeverisë, zyrat vendore të regjistrimit të pasurive të paluajtshme Dibër, Bulqizë, Mat, Lezhë, Kurbin, Shkodër, Tiranë, Durrës, do të duhet të regjistrojnë brenda 5 ditëve nga hyrja në fuqi e këtij vendimi, kalimin e së drejtës së pronësisë së parcelave ndërtimore dhe hipotekën ligjore mbi to, në përputhje me përcaktimet e pikave 15 e 16, të vendimit nr.1095, datë 28.12.2015, të Këshillit të Ministrave, “Për përcaktimin e rregullave të bashkërendimit të punës, ndërmjet ALUIZNI-t dhe ZQRPP-së, si dhe të procedurave apo kufizimeve që zbatohen për efekt të regjistrimit të pasurive të legalizuara”. Për zbatimin e këtij vendimi janë ngarkuar Ministria e Drejtësisë, Agjencia e Legalizimit, Urbanizimit dhe Integrimit të Zonave/Ndërtimeve Informale dhe Zyra Qendrore e Regjistrimit të Pasurive të Paluajtshme dhe zyrat vendore të regjistrimit të pasurive të paluajtshme. Vendim do të hyjë në fuqi pas botimit në “Fletoren zyrtare”.

Listën e plotë të emrave e gjeni tek Gazeta "SOT".

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 17/08/2019 - 07:41

Ministrja e Financave dhe Ekonomisë, Anila Denaj ka vendosur të ndryshojë procedurat për pagesën me këste të detyrimeve tatimore nga ana e bizneseve.

Postuar: 16/08/2019 - 07:32

Banka Botërore do të ndërhyjë për t’i dhënë zgjidhje kaosit të krijuar me pronat në Shqipër

Postuar: 15/08/2019 - 07:31

Autoriteti i Mbikëqyrjes Financiare ka miratuar një udhëzim, në të cilin përcaktohet qartë se çdo

Postuar: 14/08/2019 - 07:25

Autoriteti i Mbikëqyrjes Financiare paralajmëroi ditën e djeshme shkarkimin e kryetares së Byrosë

Postuar: 13/08/2019 - 14:27

Monedha e përbashkët europiane e ka rinisur sërish javën e nënçmuar përkundrejt lekut vendas.

Postuar: 13/08/2019 - 07:24

Kompanitë e udhëtimit të linjave ajrore kanë bërë batërdinë me çmimin e biletave.

Postuar: 11/08/2019 - 07:57

Monopoli i SGS me kolaudimin e makinave duket se do të vijojë edhe për disa kohë.