Rama “lëshon dorën” para zgjedhjeve, 400 mijë euro për të rimbursuar gjobat, subjektet e penalizuara dy javë afat për aplikim

Qeveria duket se po shfrytëzon çdo hapësirë të mundshme për të përfituar sadopak mbështetje elektorale. Kwshtu Qeveria ka vendosur në dispozicion një shumë prej 46 milionë lekësh apo 400 mijë euro për rimbursimin e gjobave që u janë vendosur dhe janë paguar nga bizneset që nuk kanë zbatuar detyrimin ligjor për regjistrimin e pronarëve të tyre përfitues sipas afateve të përcaktuara. Vendimi i  botuar në Fletoren Zyrtare dhe që tashmë ka hyrë në fuqi, përcakton se ky fond shtesë në buxhetin e vitit 2022, miratuar për Ministrinë e Financave, do ti kalojë Qendrës Kombëtare të Biznesit për  rimbursimin  e  masave  administrative  të  paguara,  të  falura sipas  ligjit  nr. 112/2020, “Për regjistrin e pronarëve përfitues”, të ndryshuar. Kjo shtesë, do të përballohet nga fondi rezervë i buxhetit të shtetit, i miratuar për këtë vit. Por si do të kryhet rimbursimi? Subjektet,  të  cilave  u  është  falur  gjoba  e paguar, e  vendosur  ndaj  tyre  dhe  përfaqësuesve të  tyre  ligjorë  dhe  kanë  përmbushur  detyrimet përkatëse  për  regjistrimin  e  pronarëve  të  tyre përfitues, paraqesin pranë Qendrës Kombëtare të Biznesit  kërkesën  për  rimbursim,  jo  më  vonë  se data 15.12.2022. Kërkesa shoqërohet  me dokumentacionin përkatës ku përfshihet: emri/mbiemër  i  individit/emërtimin  e subjektit; karta e identitetit/NIPT-i; IBAN-i; emri i bankës pranë së cilës ka llogarinë personale/llogarinë e subjektit; d)  vërtetimin  bankar,  që  llogaria  bankare ku do të arkëtohet kthimi i gjobës është aktive; dhe ekstraktin e regjistrit  të  të dhënave  të pronarëve përfitues. Qendra Kombëtare e Biznesit, pas paraqitjes së    dokumentacionit, brenda 60 ditëve kalendarike, kryen rimbursimin e gjobës në të njëjtën masë (ekuivalente në lek) në llogarinë bankare, të përcaktuar nga subjekti përfitues.