Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Taksa ndërtesës në proces rishqyrtimi nga qeveria, drejt përfitimit pensionistët dhe familjet me ndihmë ekonomike

Postuar: 14/11/2017 - 07:52

Kryeministri Edi Rama ka prezantuar dje në mbledhjen e Grupit Parlamentar të Partisë Socialiste shtyllat kryesore të buxhetit të vitit 2018, ndërsa ka sjellë në vëmendje shkurtimisht dhe reformat që do të ndërmerren gjatë mandatit katër vjeçar. Rama ka cilësuar se projektet zhvillimore do të kenë një shtrirje në të gjitha qarqet e vendit nga veriu në jug dhe pa asnjë dallim, pasi sipas tij, kjo është e turpshme që akoma nuk kemi një segment rrugor, i cili përmbush të gjithë parametrat e sigurisë së standardeve evropiane. Në fjalën e tij, kryeministri vlerësoi se buxheti i vitit 2018 është një hap i rëndësishëm për vendin që duam, por edhe ëndrrën për aspiratat ndërkombëtare për të gjithë shqiptarët. “Ky buxhet investon tek e ardhmja, investon te rritja e nivelit të jetesës, ndikon te forcimi i shtetit. Të ardhurat e buxhetit me 6.3 %. Buxheti i 2018 ka paketën më të madhe të investimeve publike, më shumë se 5%. Rritja ekonomike është bërë e qëndrueshme, kemi bërë një ndryshim me 4 vite më parë. Ky ndryshim nuk është arritur asnjëherë më para, ky buxhet bazohet në të ardhurat e brendshme. Buxheti i vitit 2018 është hap i madh drejtë Shqipërisë që duam, ky buxhet e afron vendin tonë më afër BE. Projektet në të kaluarën e kalonin vetëm me imagjinatë”, u shpreh Rama, ndërsa theksoi se reformat e ndërmarra do të kenë si synim që të rrisin përgjegjshmërinë e qytetarëve, por më e rëndësishmja sipas tij është që kompanitë e mëdha të largohen nga shkelja e rregullave dhe dispozitave ligjore, pasi qeveria do të ketë një plan kontrolli tek të gjitha subjektet.

 Investimet

Me këtë buxhet, kryeministri Rama tha se arsimi dhe shëndetësia njohin një rritje të konsiderueshme dhe po ashtu edhe bujqësia ku do vazhdohet të përforcohet theksi tek stimulimi i eksporteve në radhë të parë. Kryeministri vlerësoi gjithashtu se ky buxhet lehtëson familjet që çojnë fëmijët në shkollë, duke garantuar librat falas për 4 vitet e para të shkollës. Nga ana tjetër, ky buxhet financon fillimin e programit të ndërtimit dhe të rindërtimit të 300 qendrave shëndetësore me standarde europiane, në 4 vitet e ardhshme. “Pjesën e luanit” e ka infrastruktura rrugore, por jo vetëm, edhe ujësjellësit, edhe kanalizimet kanë një financim me rritje të konsiderueshme, në raport me të shkuarën. Kryeministri nënvizoi se krahas financimit të drejtpërdrejtë nga buxheti, tanimë ka nisur edhe zbatimi i programit “1 miliardë për rindërtim” në Rrugën e Arbrit. Nga ana tjetër, ai theksoi dhe një herë rëndësinë e reformës së ujit, e cilësuar nga ai si një betejë e të gjithëve. “Është koha që edhe uji të kthehet nga një mall pa zot, në një pasuri kombëtare që gjeneron mirëqenie dhe jo në një pasuri që deri tani na ka gjeneruar vetëm probleme”, deklaroi Rama. Sakaq, lidhur me taksën e pronës, e cila këtë vit nuk do të jetë më fikse, por do të llogaritet mbi çmimet fiskale që janë në fuqi, kryeministri Edi Rama la të nënkuptohej se për pagesën e kësaj takse do të ketë favorizim për pensionistët dhe familjet në nevojë. “Kemi një proces debati, që besoj do ta finalizojmë në ditët në vijim, lidhur me taksën e ndërtesës për pensionistët dhe për familjet me ndihmë ekonomike”, vuri në dukje ai, duke vijuar më tej me impaktin e paketës fiskale në turizëm, biznese, peshkim etj. 

/Agjensia e Lajmeve Sot News/

Na Beni Like Ne Facebook: 
Total votes: 16

Lajme nga e njejta kategori

Postuar: 19/02/2018 - 20:54

Në kuadër të punimeve të Forumit të Biznesit Shqipëri-Itali zhvilluar sot në Tiranë, ku një Mision ekonomik i kryesuar nga zv.

Postuar: 18/02/2018 - 10:16

Projekt vendimi i përgatitur nga Autoriteti i Komunikimeve Elektronike për përjashtimin e Albtelekom nga detyrimi për të mbajtur tarifat on- net të njëjta me ato off-net dhe që

Postuar: 17/02/2018 - 11:53

Gjatë vizitës në qarkun e Durrësit, Ministri i Bujqësisë dhe Zhvillimit Rural, Niko Peleshi është ndalur në një serrë organike, ndërtuar me një teknologji bashkëkohore. &nb

Postuar: 17/02/2018 - 10:09

Më shumë se 350 delegatë nga Italia, nga Institucione, Ente, Shoqata, Banka dhe rreth 200 sipërmarrje italiane, të cilat së bashku arrijnë një vëllim xhiroje mbi 17 miliardë eur

Postuar: 17/02/2018 - 10:03

Pas kompanive celulare, Vodafon dhe Telekom, është Autoriteti i Konkurencës ai që hedh poshtë pretendimet e Autoritetit të Komunikimeve Elektronike dhe Postare, se është konsult

Postuar: 16/02/2018 - 21:28

Zona e Bedatit, ne Divjakë dikur një zonë e shkretë është kthyer në një plantacion gjigant të mbjelljes së pemëve dru frutore.

Postuar: 16/02/2018 - 19:47

Më shumë se 350 delegatë nga Italia, nga Institucione, Ente, Shoqata, Banka dhe rreth 200 sipërmarrje italiane, të cilat së bashku arrijnë një vëllim xhiroje mbi 17 miliardë eur