Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Të gjithë qiradhënësit e apartamenteve do paguajnë taksa, Tatimet zbardhin procedurat dhe paralajmërojnë gjoba

Postuar: 21/08/2018 - 07:52

Drejtoria e Përgjithshme e Tatimeve ka vendosur që të ndërmarrë një aksion të fuqishëm kundër të gjithë qiradhënësve të apartamenteve. Mesa duket ka shumë nga ata persona që përfitojnë të ardhura nga lëshimi me qera i apartamenteve apo i hapësirave të tjera, por nuk paguajnë taksa për shumat e fituara, pavarësisht se një gjë e tillë është e përcaktuar në ligj. Për këtë arsye, Tatimet kanë vendosur nën shënjestër të gjithë ata individë të paregjistruar që japin mjedise me qera. Përmes një njoftimi të bërë publik në faqen zyrtare në internet, Drejtoria e Përgjithshme e Tatimeve u bën thirrje të gjithë qeradhënësve që të paguajnë tatimin mbi të ardhurat e përfituara nga dhënia me qera e shtëpive apo apartamenteve. “Drejtoria e Përgjithshme e Tatimeve njofton personat e paregjistruar në lidhje me detyrimin për të deklaruar dhe paguar tatimin mbi të ardhurat e përfituara nga dhënia me qira e shtëpive apo apartamenteve. Gjatë sezonit turistik, Administrata Tatimore i ka kushtuar vëmendje të veçantë, garantimit të përmbushjes vullnetare të këtij detyrimi nga ana e individëve, të cilët shfrytëzojnë këto mjedise për pushimet verore.

AT, në bashkëpunim edhe me institucione të tjera, do të shfrytëzojë çdo burim informacioni për të identifikuar këto transaksione”, thuhet në njoftimin e DPT. Tatimet sqaruan po ashtu edhe shumën që duhet të paguajë qiradhënësi dhe afati për pagesë. Përfituesit e të ardhurave nga qeratë duhet të paguajnë në organin tatimor përkatës tatimin në masën 15% të të ardhurave të realizuara, jo më vonë se data 20 e muajit që pason muajin në të cilin është kryer pagesa. Hapat që ndiqen Sipas procedurave, deklarimet e të ardhurave nga qeraja bëhen në mënyrë elektronike në faqen zyrtare të tatimeve. Pasi dorëzohet deklarata, serveri i tatimeve gjeneron automatikisht urdhër-pagesën, e cila duhet të printohet dhe të paguhet nga individi në sportelet e bankave të nivelit të dytë. “Hyni në faqen zyrare: www.tatime.gov.al. Në menynë “e-Shërbime” zgjidhet rubrika “individët”. Hapni dritaren e aksesimit në llogari, ku si emër përdoruesi vendoset numri personal. Për të aksesuar llogarinë, duhet të zgjidhet: “E lexova dhe bie dakord me termat dhe kushtet”. Me hyrjen në llogari, në menynë “Deklarata” zgjidhet “Tatimi në Burim”. Tek rubrika “Deklarata të padorëzuara” listohen deklaratat, që duhet të plotësohen. Zgjidhet periudha për të cilën do të kryhet deklarimi. Individi përfitues i të ardhurave, plotëson rubrikën 15 “Pagesat për qiratë” të deklaratës së tatimit të mbajtur në burim, duke hedhur shumën mujore të përfituar nga qiratë dhe tatimin e llogaritur në masën 15%. Duke klikuar butonin “Dorëzo”, deklarimi përfundon dhe dorëzohet në Administratën Tatimore. Pas dorëzimit, deklarata mund të printohet për efekt dokumenti, duke klikuar butonin “Printo”. Për kryerjen e pagesës, individi, përfitues i të ardhurave, në menynë “Deklarata të dorëzuara”, zgjedh periudhën përkatëse dhe shtyp butonin “Printo Urdhër Pagesë”. Ky urdhër i printuar shërben për të kryer pagesën në sportelet e bankave të nivelit të dytë”, sqaroi DPT. Sipas ligjit, për procedurat tatimore fshehja e të ardhurave konsiderohet evazion tatimor dhe përveçse dënohet me gjobë në masën 100% mbi detyrimin e fshehur, përbën vepër penale.

/Agjensia e Lajmeve Sot News/

Na Beni Like Ne Facebook: 

Lajme nga e njejta kategori

Postuar: 22/01/2019 - 13:04

Monedha e përbashkët ka shënuar sërish rritje ditët e fundit, duke rikuperuar pas rënies që shënoi në pjesën e parë të javës së kaluar.

Postuar: 22/01/2019 - 07:31

Nga një janari, ngarkesa fiskale për të punësuarit me paga të larta do të ulet.

Postuar: 21/01/2019 - 08:46

Eksportet arritën në 310 miliardë lekë për vitin 2018, sipas të dhënave të INSTAT, duke arritur n

Postuar: 20/01/2019 - 08:18

Autoriteti i Konkurencës ka vendosur të detyrojë Bankers Petroleum të furnizojë me naftë rafineri

Postuar: 19/01/2019 - 07:33

Nis zbatimi i projektit të asistencës për sektorin hidrokarbur nga pala amerikane për autoritetet

Postuar: 18/01/2019 - 07:29

Kthimi për rishqyrtim dhe mosdekretimi i ligjit “Për kadastrën” nga presidenti Ilir M

Postuar: 17/01/2019 - 07:28

Pas hyrjes në fuqi të Vendimit të Këshillit të Ministrave për kufizimin e importit të mjeteve të