Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Tiranë/ Rritet çmimi i apartamenteve, Arben Dervishi: Rritet edhe cilësia e ndërtimeve

Postuar: 20/04/2017 - 21:27

Çmimi i apartamenteve i është rikthyer tendencës rritëse, pas një periudhe të gjatë ngërçi.

Sipas Bankës së Shqipërisë, çmimi i banesave u rrit me rreth 13% në muajt korrik-dhjetor 2016. 

Për kryeqytetin, kjo rritje është 3.3%. Shtrenjtimi, sipas ndërtuesve, vjen si pasojë e rritjes së taksës së ndikimit në infrastrukturë, mungesës së shesheve të ndërtimit dhe përmirësimit të ndërtimeve. 
“Nga koha e Ramës kryebashkiak deri më sot janë dhënë gjithsej 140 leje ndërtimi, që për nevojat e Tiranës janë të pakta. Plus që ka ndikuar edhe puna e bashkisë në restaurimin e blloqeve të reja, që i kanë dhënë një rritje vlerës imobiliare të zonave. Rritja vjen edhe si rezultat i rritjes së cilësisë së ndërtimeve. Ka ikur koha që klientët blejnë pa parë gjë sepse ka uri”, thotë Arben Dervishi, nga Shoqata e Ndërtuesve. 
Kjo tendencë ka orientuar së fundmi kërkesën drejt zonave më elitare. 
“Sot ka kërkesë për apartamente më të mira, më luksoze, më në qendër, sepse shërbimet janë më të mira. Dhe duke qenë se oferta për këto apartamente është më e vogël, natyrisht që ka një rritje të çmimit. Kurse në zonat periferike nuk ka rritje”, sqaron Dervishi. 

Rigjallërimi i kërkesës vjen edhe si pasojë e uljes së normave të interesit. 

“Normat e interesit të parasë në bankë janë shumë të ulëta dhe njerëzit mendojnë se duke blerë një shtëpi, duke e dhënë me qira mund të kenë më tepër interes sesa t’i lënë paratë në bankë”, shton Dervishi. 

Aktualisht çmimet nisin nga 400 euro në zonat periferike, deri në 2.500 apo 3.000 euro në qendër.

/Agjensia e Lajmeve Sot News/

Na Beni Like Ne Facebook: 
Total votes: 9

Lajme nga e njejta kategori

Postuar: 18/01/2018 - 08:16

Autoriteti i Komunikimeve Elektronike dhe Postare do të ndërhyjë brenda këtij viti përtë mbështetur veprimtarinë e qeverisë për tarifën zero të roaming me vendet fqinje dhe reduktim të ndjeshëm të tarifave roaming me vendet e Bashkimit Evropian.

Postuar: 16/01/2018 - 22:31

Ministria e Financave dhe Ekonomisë, në një letër të posaçme drejtuar organizatave të biznesit njoftoi sot të gjitha dokumentet  që gjenerohen online dhe taksat që paguhen

Postuar: 16/01/2018 - 08:03

Pas shlyerjes së plotë për ish të përndjekurve që janë gjallë, qeveria mund të anulojë kompensimet për trashëgimtarët, veçanërisht përtej brezit të parë.

Postuar: 15/01/2018 - 16:36

Monedha vendase është dobësuar sot përkundrejt euros, e cila ka shënuar nivelin më të lartë të këmbimit që prej fillimit të qershorit.

Postuar: 14/01/2018 - 10:23

Qeveria ka bërë gati një strategji 3 vjeçare për zhvillimin modern të zonave rurale në të gjithë vendin.

Postuar: 13/01/2018 - 10:34

Pas ndryshimeve në ligjin për shërbimin e call center në vitin 2016, i cili në thelb synonte frenimin e zhvendosjes së këtyre investimeve në vende që nuk janë pjesë e BE, një tj

Postuar: 13/01/2018 - 10:31

Më datë 18 janar nis procesi i pranimit të kërkesave për kompensimin e pronarëve të pasurive të paluajtshme, që preken nga ndërtimet informale, gjeneralitetet dhe të dhënat e të