Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Tremujori i parë 2017, borxhi i nënshkruar i patërhequr arrin 1.1 miliardë euro

Postuar: 18/05/2017 - 07:42

Borxhi i jashtëm i nënshkruar dhe i patërhequr nga qeveria shqiptare ka arritur në fund të tremujorit të parë 2017 në 1,18 miliardë euro. Shuma ka mbetur e njëjtë që nga fundi i vitit të kaluar dhe u takon kredive që qeveria shqiptare ka nënshkruar me institucionet financiare ndërkombëtare, por që ende nuk janë disbursuar, sipas të dhënave nga Ministria e Financave. Ecuria historike e detyrimeve të jashtme na tregon se qeveritë shqiptare e kanë pasur më të lehtë të gjejnë borxhin se sa ta përdorin atë. Në totalin e borxhit të jashtëm prej më shumë se 3.5 miliardë eurosh, rreth 31% e tij është ende i patërhequr. Qeveritë mike të Shqipërisë, por edhe institucionet financiare ndërkombëtare ndjekin procedura strikte për disbursimin e huave të tyre, duke bërë që një pjesë të mos angazhohen sipas parashikimeve fillestare. Qeveria shqiptare, nga ana saj, ka pranuar disa herë vështirësitë që kanë kontraktimi i fondeve të marra nëpërmjet borxhit të jashtëm. Këto defekte reflektohen kryesisht në ecurinë e shpenzimeve kapitale të cilave më së shumti u dedikohet ky borxh. Stoku i borxhit shtetëror në monedhë të huaj ishte 29.5 % e PBB-së në vitin 2014 duke arritur në 33.6 % të PBB-së më 2016, duke sjellë një rritje të moderuar të ekspozimit ndaj rrezikut të kursit të këmbimit. Rritja e nivelit të borxhit në monedhë të huaj ka ardhur kryesisht nga mbështetja buxhetore e akorduar në kuadër të likuidimit të detyrimeve të prapambetura, garancia pjesore e Bankës Botërore (PBG) dhe Eurobondi. Shtesa prej 3.6% e financimit të huaj mbi objektivin është bërë në kuadër të kostove të favorshme që kanë rezultuar në tregun e jashtëm gjatë emetimit të Eurobond-it, në kuadër të lehtësimit të mëtejshëm të presionit të huamarrjes në tregun e brendshëm dhe në kuadër të uljes së ekspozimit ndaj rrezikut të rifinancimit dhe rrezikut të normave të interesit. Rreth 70.0% e portofolit në monedhë të huaj përbëhet nga monedha Euro, duke e bërë këtë portofol jo shumë të diversifikuar.

/Agjensia e Lajmeve Sot News/

Na Beni Like Ne Facebook: 
Total votes: 20

Lajme nga e njejta kategori

Postuar: 22/10/2017 - 08:16

Inflacioni i importuar ka një ndikim më modest se mendohej në nivelin e përgjithshëm të çmimeve të mallrave të konsumit.

Postuar: 22/10/2017 - 08:15

Mjetet e bordit të anijeve, rrjetat apo mjetet elektro-mekanike do të përjashtohen nga Tatimi mbi Vlerën e Shtuar.

Postuar: 22/10/2017 - 08:13

Operatori i Shpërndarjes se Energjisë Elektrike ka mbyllur 9-mujorin me bilanc pozitiv, sa i takon arkëtimeve dhe humbjeve.

Postuar: 22/10/2017 - 08:12

Një tjetër vend është hapur për konkurrim në administratë dhe këtë herë bëhet fjalë për drejtor ekzekutiv të Autoritetit të Aviacionit Civil.

Postuar: 22/10/2017 - 08:10

Pastrimi parave nga politikanë apo elementë të krimit është një shqetësim që ka detyruar Hollandën të zbarkojë në Drejtorinë e Parandalimit të Pastrimit të Parave.

Postuar: 21/10/2017 - 08:26

Rreth 2.563 tatimpagues kanë përfituar nga fshirja me kusht e detyrimeve për ato raste kur është paguar i plotë principali për tatimin/kontributin.

Postuar: 21/10/2017 - 08:24

Gjykata Kushtetuese ka marrë në shqyrtim dhe ka kaluar në seancë plenare mbi bazë dokumentash Ligjin për Sigurimet Shoqërore.