Kërko Për

Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Zbardhet urdhri i kreut të Hipotekave, dosjet për regjistrimin e pasurive të paluajtshme do të plotësohen vetëm me një akt-verifikimi

Postuar: 06/09/2018 - 07:14

 Qytetarët duhet të plotësojnë dosjet për regjistrimin e Pasurive të Paluajtshme vetëm me një akt-verifikimi. Deklarata vjen nga kryeregjistruesi, Valdrin Pjetri, i cili në një mbledhje me drejtuesit e ZVRPP-ve, u kërkoi këtyre të fundit zbatimin rigoroz të urdhrit të lëshuar prej tij, që përcakton nxjerrjen e një akt verifikimi për një dosje. “Akt-verifikimi pёr njё dosje tё ketё vetëm një. Ka raste kur punonjësit bëjnë ping-pong me qytetarёt duke u kёrkuar plotësimin e dosjes me disa akt-verifikime. Tё studiohet mirё dosja dhe tё dalë vetёm njё akt-verifikimi. Ju kërkoj zbatimin e urdhërit të nxjerrë nga Kryeregjistruesi me nr. 937, datё 12.06.2018 për këtë çështje”, tha Pjetri. Duke vënë në qendër të vëmendjes së Zyrës Qendrore të Regjistrimit të Pasurive të Paluajtshme shërbimin ndaj qytetarëve, Pjetri u ka kërkuar drejtuesve vendorë që të verifikojnë çdo ankesë të platformës së bashkëqeverisjes, si dhe ka paralajmëruar largimin e punonjësve që kanë abuzuar me afatet e dhënies së këtij shërbimi. Po ashtu, një tjetër kërkesë e tij në drejtim të regjistruesve ka qenë edhe ajo për trajtimin e praktikave të prapambetura brenda datës 31 shtator 2018.

Regjistrimi i pronës

Regjistrimi i fitimit apo i kalimit të së drejtës së pronësisë për pasuritë e paluajtshme, të njohura ose të fituara me anë të ligjit, vendimit gjyqësor apo aktit administrativ bëhet nga zyrat e regjistrimit të pasurive të paluajtshme, pas verifikimit të plotë të elementëve të formës dhe përmbajtjes së aktit përkatës, që njeh ose përmban fitimin e së drejtës së pronësisë, prefekt të plotësimit të kushteve të regjistrimit, të përcaktuara në nenin 193 të Kodit Civil. Përveç përjashtimeve të përcaktuara në ligj, zyrat e regjistrimit bëjnë veprime në regjistrin e një pasurie të paluajtshme vetëm kur ato rrjedhin nga tituj pronësie të disponuesit/tjetërsuesit ose të pronarit të fundit të saj, të regjistruar më parë në regjistër. Çdo veprim në regjistër që ka si efekt ndryshimin e gjendjes juridike të një pasurie të paluajtshme, bëhet kur akti ose vendimi gjyqësor që e konstaton atë, është regjistruar më parë në regjistrin e pasurive të paluajtshme. Për verifikimin e elementëve të formës dhe të përmbajtjes së vendimeve gjyqësore, punonjësit e ZRPP që përpunojnë kërkesat individuale për regjistrim, procedojnë duke verifikuar nëse vendimi gjyqësor ka marrë formë të prerë; nëse të paktën njëra nga palët ndërgjyqëse figuron në regjistrat e pasurive të paluajtshme që administrohen nga ZRPP, pronare e pasurisë, mbi të cilën gjykata ka disponuar me vendim; nëse në gjykimet që kanë për objekt kundërshtimin e vendimit të Komisionit të Kthimit dhe Kompensimit të Pronave/ Komitetit Shtetëror të Kthimit dhe Kompensimit të Pronave/ komisioneve vendore të kthimit dhe kompensimit të pronave apo Agjencisë së Kthimit dhe Kompensimit të Pronave është thirrur si palë ndërgjyqëse në gjykim pronari (apo trashëgimtarët e tij) në emër të të cilit figuron prona e regjistruar në regjistrin e pasurive të paluajtshme; nëse në gjykim, me objekt kundërshtimin e procedurave apo të kontratës së shitjes së pasurive publike/shtetërore, të kryera nga Agjencia Kombëtare e Privatizimit/ Drejtoria e Administrimit dhe Shitjes së Pronave Publike në Ministrinë e Financave, janë thirrur si palë në gjykim apo palë e interesuar institucioni a enti publik, që ka të drejtën e pronësisë mbi pasurinë e paluajtshme dhe/ose Avokatura e Shtetit; nëse në diapozitivin e vendimit, të dhënat për pronën, pasuri e paluajtshme, janë të plota dhe lejojnë regjistrimin e vendimit.

 

/Agjensia e Lajmeve Sot News/

Na Beni Like Ne Facebook: 
You voted 4. Total votes: 6

Lajme nga e njejta kategori

Postuar: 22/09/2018 - 14:15

Administratori i Operatorit të Shpërndarjes së Energjisë Elektrike (OSHEE), z. Adrian Çela, ka theksuar se viti 2017 ka qenë testi më i fortë që OSHEE ka kaluar për shkak të situatës së pafavorshme hidrike.

Postuar: 22/09/2018 - 08:33

Banka e Shqipërisë zbaton një regjim të lirë të kursit të këmbimit.

Postuar: 22/09/2018 - 07:41

Bankat vijojnë të shtrëngojnë kushtet e kreditimit për bizneset e mëdha.

Postuar: 21/09/2018 - 14:51

Banka e Shqipërisë ka publikuar kursin zyrtar të këmbimit për sot, 21 shtator 2018:

Postuar: 20/09/2018 - 12:06

Banka e Shqipërisë zbaton një regjim të lirë të kursit të këmbimit.

Postuar: 20/09/2018 - 10:00

Ministria e Financave po harton një projektligj të ri për investimet, nëpërmjet të cilit synon të