Agjencia e Lajmeve SOT NEWS

Agjencia e Lajmeve SOT NEWS Lajme nga Shqiperia, Kosova, Rajoni dhe Bota, Politike, Kronike, Aktualitet, Dossier, Kulture, Sport

Zv. Drejtori i FMN-së: Shqipëria ka bërë progres në ruajtjen e stabilitetit dhe zhvillimit të ekonomisë

Postuar: 13/02/2018 - 20:34

Në përfundim të vizitës së tij në Shqipëri, zv. Drejtori i Përgjithshëm i Fondit Monetar Ndërkombëtar (FMN), z.Tao Zhang, në një deklaratë për mediat tha se Shqipëria ka bërë një përparim në ruajtjen e stabilitetit dhe zhvillimin e ekonomisë.

“Ishte një kënaqësi për mua të vizitoja Shqipërinë për herë të parë si zv.Drejtor i Përgjithshëm i FMN-së. Unë pashë një vend që ka bërë përparim domethënës në uljen e varfërisë, në ruajtjen e stabilitetit dhe në zhvillimin e ekonomisë. Kjo gjë është arritur falë reformave të rëndësishme të zbatuara nga Shqipëria.

“Në bisedimet me autoritetet, unë theksova se ky është momenti për të përshpejtuar reformat. Ekonomia botërore është në një fazë rritjeje. Kjo përfshin Europën ku inflacioni dhe normat e interesit janë të ulëta. Megjithatë, këto kushte kaq të favorshme të mjedisit të jashtëm nuk do të zgjasin përgjithmonë. Kështu që tani është koha për të ndërmarrë reforma dhe për të ndërtuar mburoja më të forta ekonomike dhe financiare.

“Unë gjithashtu diskutova me autoritetet politikat për të rritur potencialin e rritjes ekonomike të Shqipërisë.  Këto përfshijnë përmirësime në infrastrukturë, arsim dhe në klimën e biznesit, sidomos në forcimin e shtetit ligjor. Ulja e borxhit publik është një objektiv i rëndësishëm që mund të arrihet duke forcuar menaxhimin e financave publike dhe sistemin tatimor.

“Në përfundim, unë dua të falenderoj Kryeministrin Edi Rama, Ministrin e Financave dhe Ekonomisë Arben Ahmetaj dhe Guvernatorin e Bankës së Shqipërisë Gent Sejko dhe të gjithë zyrtarët e tjerë për mikpritjen e ngrohtë dhe për mundësinë që të njihem më shumë me trashëgiminë e pasur kulturore dhe historike të Shqipërisë.”

 

/Agjensia e Lajmeve Sot News/

Na Beni Like Ne Facebook: 
Total votes: 24

Lajme nga e njejta kategori

Postuar: 27/05/2018 - 19:04

Çmimet e apartamenteve pritet të rriten sërish pasi Parlamenti ka miratuar një ligj, i cili rëndon drejtpërdrejtë barrën fiskale mbi ndërtimet e reja.

Postuar: 27/05/2018 - 18:20

Biletat e pajtimit mujor për transportin qytetës, që ndryshe njihen si abone do të duhet të kenë të vendosur edhe numrin e kartës së identitetit të personit përdorues.

Postuar: 27/05/2018 - 18:02

ISSH arrin marrëveshjen edhe me Zvicrën për pensionet e emigrantëve.

Postuar: 27/05/2018 - 08:21

Punonjës dhe ish regjistrues të Hipotekave, të cilët janë kallëzuar penalisht nga Kontrolli i Lartë i Shtetit për shkelje ligji, vazhdojnë të ushtrojnë detyrën, pa u ndëshkuar p

Postuar: 26/05/2018 - 07:50

Linjat e transportit publik në qytete do të shtohen.

Postuar: 26/05/2018 - 07:50

Moti me reshje të vazhdueshme gjatë periudhës janar-prill të këtij viti ka sjellë prodhim mjaft të rritur të energjisë elektrike.

Postuar: 26/05/2018 - 07:16

Banka e Shqipërisë llogarit dhe publikon kursin zyrtar të këmbimit.