3 këngët e publikuara pas vdekjes së Michael Jackson hiqen nga shërbimet e transmetimit, ja arsyeja

A është Michael apo dikush tjetër? Debati i vazhdueshëm i 3 këngëve të publikuara pas vdekjes së Michael Jackson qëndron pas zhdukjes së papritur të këngëve nga shërbimet kryesore të transmetimit si Spotify Apple Music etj.

Këngët – “Monster”, “Keep Your Head Up” dhe “Breaking Neës” — ishin të gjitha në albumin “Michael”, të lëshuar në 2010 … vitin pas vdekjes së Jackson. Por, që kur dolën, disa fansa, madje edhe anëtarët e familjes së Michael, kanë vënë në pikëpyetje nëse është me të vërtetë zëri i Michael në këngët e tij.

Këngët u zhdukën nga shërbimet e transmetimit Spotify, Apple Music dhe Tidal javën e kaluar, të cilat shumë fansa e panë si konfirmim që nuk po këndonte vërtet MJ në to, megjithatë, një përfaqësues për faqen zyrtare të MJ thotë se nuk është saktësisht kështu.

Përfaqësuesi konfirmon se këngët “nuk janë më të disponueshme nga Sony Music për blerje ose transmetim, por duhet të theksoj se heqja e këtyre tre këngëve nuk ka të bëjë fare me origjinalitetin e tyre.

Estate dhe Sony Music besojnë se biseda e vazhdueshme rreth këngëve po shpërqendrojnë komunitetin e fansave dhe dëgjuesit e rastësishëm të Michael Jackson nga përqendrimi i vëmendjes së tyre aty ku duhet të jetë – në katalogun legjendar dhe të thellë të muzikës së Michael.

Një fanse që ndoshta ka dyshimet e saj është Vera Serova , e cila ngriti një padi në vitin 2014, duke akuzuar Sony Music, Jackson Estate dhe prodhuesit e këngëve se gënjejnë konsumatorët. Ajo e humbi çështjen në vitin 2018, por tani po apelon në Gjykatën e Lartë të Kalifornisë.