A do ta shohim këtë vit në ndonjë program televiziv? Përgjigjet Amarda Toska dhe tregon planet e saja të afërta: Do jem duke punuar…

Amarda Toska u ka dhënë mundësi ndjekësve ta pyesin rreth jetës personale e jo vetëm në një intervistë virtuale në Instagram duke ndarë detaje me ta rreth jetës personale dhe profesionale.

Kuriozitet të madh ka edhe rreth rikthimit të saj në ekran. Pyetjes se “A do të shohim këtë vit në ndonjë program televiziv” Ami i është përgjigjur duke thënë: “Jo nuk do jem në ekran këtë vit ama do jem duke punuar për ju me sipërmarrjet e mia dhe e dashuroj ta bëj këtë gjë”.

Mes të tjerash një ndjekës e ka pyetur moderatoren: “Jeta e luksit që ke atë bën të lumtur?” Ami është përgjigjur duke shprehur se sipas saj lumturia nuk vjen nga paraja, ndërsa shton se: “Si fillim e dashur e sigurt se lumturia nuk vjen nga luksi por vjen së brendshmi dhe pastaj shfaqet dhe jashtë. Nuk mendoj se unë bëj një jetë luksi por jetën që bëj e pëlqej shumë dhe mendoj se e kam të merituar dhe kam punuar.”

Dikush e ka pyetur nëse “e këshillon ndonjëherë Ermalin për komentet që jep publikisht?” Një pyetje që duket  një referencë ndaj situatës së fundit ku u përfshi aktori. Rikujtojmë se në rrjetet sociale është bërë virale një video e Ermalit dhe komentet që ai bëri për Arta Nitajn gjatë natës së parë të “Dance with me”, ku janë respektivisht anëtar jurie dhe konkurrente.

Aktori duket se ka risjellë në vëmendje skandalin e bujshëm “Dubai Porta Potty”, duke aluduar se Arta është pjesë e tij. “Doja të dija si ta bëjmë edhe ne trupin si Arta?“-pyeti Ermali duke marrë përgjigje nga moderatorja e emisionit Alketa Vejsiu e cila tha: “Duhet të shkosh në Brazil.”

Mirëpo, vazhdimi i bisedës ishte i hidhur me Ermalin që pyet: “Brazil apo Dubai?” Pyetje të cilës iu përgjigj sërish Alketa, po me një pyetje tjetër: “Po me Dubain ç’kishe tani?”

Po Arta si reagoi në gjithë këtë? Ajo nuk foli, thjesht e kaloi me një buzëqeshje. 

Reagimi i saj u komentua shumë edhe në mediat sociale teksa ‘Kryefjala.com’ shkruan se “komentet e anëtarit të jurisë Ermal Mamaqi (që janë pasuar me buzëqeshjen ironike edhe të Alketës) e kanë bërë për të qarë Nitajn në prapaskenat e programit.”

Amarda thotë se Ermali thotë troç atë që mendon dhe ndonjëherë ka edhe të lënduar nga kjo.

“Ne komunikojmë shumë për çdo gjë që e quajmë të rëndësishme. Ndërsa për atë që thotë në publik nuk mendoj se duhet të këshillohet akoma se është boll i përgjegjshëm se çfarë thotë. Ermali ka një të mirë të madhe që është shumë i hapur ta thotë troç atë që mendon dhe kështu bën. Kuptohet që në disa raste ka edhe të lënduar.”– shkruan Ami.