Arjola shpërthen e përlotur, Arbana shtanget nga përgjigjia pasi pyet aktoren për dëshirën e nadhe të saj: Dua të prezantoj…/ Nuk përmbahet Arbër Hajdari: Ti je e dobët!

Arjola vendosi të mos e hapë sonte kutinë e Pandorës duke refuzuar kështu një udhëtim në Disneyland me fëmijët. Arjola tha se udhëtimin do ia realizojë vetë fëmijëve të saj dhe refuzoi të hapte kutinë me frikën se zarfi i zi do ta vinte para zgjedhjes për të çuar në nominim disa banorë.

Opinionisti Arbër Hajdari e quajti "të dobët" këtë zgjedhje nga Arjola, por edhe nga Monika, e cila gjithashtu zgjodhi të mos e hapte kutinë.

Arjola u shpreh se moshapja e kutisë nuk e bën aspak të dobët, por udhëtimi nuk ishte dëshira që ajo kishte shprehur. E përlotur, ajo tha se ka shprehur dëshirën të prezantojë Portokallinë.

Arjola: Nuk jam penduar që nuk e hapa. Shumicën e rasteve që është hapur kutia ka pasur nominime dhe në këtë pjesë lojës nuk doja që e gjithë pesha e nominimeve të ishte vetëm tek unë.

Arbri: Mu duken shumë të dobëta të dyja, edhe Arjola, edhe Monika, të cilat kanë hyrë në një reality show ku janë të detyruara të nominojnë banorët dhe gjithë ditët flasin për rivalitet. Shumë shpejt do vihen në këtë situatë, që të nominojnë.

Arjola: Unë e kam shprehur që kjo nuk është dëshira ime kryesore. Për këtë udhëtim nuk do sakrifikoja asgjë. S’është çështje frike.

Arbri: Për fëmijët e tu duhet të sakrifikoje të gjithë banorët brenda.

Arjola: E thashë që fëmijëve ia realizoj vetë këtë udhëtim.

Arbri: Kutinë e Pandorës e kanë hapur të gjithë.

Arjola: Kjo nuk më bën mua të dobët. Thjesht nuk është dëshira ime, ajo që kam kërkuar

Arbana: Cila është dëshira jote Arjola?

Arjola: Te kartolina kam shkruar që dëshira ime është të prezantoj Portokallinë krah Salsanos dhe Fjoralbës. Kjo më ngre dhe më mundëson gjithashtu udhëtimin për fëmijët e mi.

Arbana: Kjo është dëshirë që mund të të plotësohet sepse ti je e talentuar

Arjola: U mërzita sepse e kam kërkuar këtë dëshirë dhe është e vetmja që kam kërkuar.