Arrestohet aktori shumë i famshëm, ja akuza e rëndë për të cilën do japë llogari në gjykatë

Aktori hollivudian, Zach Avery ka rënë në pranga dje nën akuzën e mashtrimit për të siguruar fonde për kompaninë e tij të shpërndarjes së filmit. 34-vjeçari, emri i vërtetë i të cilit është Zachary J. Horwitz, u mor në paraburgim nën akuzën e mashtrimit në lidhje me skemën Ponzi me kompaninë 1inMM Capital LLC.

Ai është akuzuar për mbledhjen e më shumë se 690 milion dollarë për pesë vjet, duke gënjyer investitorët se kishte marrëveshje licensimi filmash me kompani të mëdha, përfshirë HBO dhe Netflix. Horwitz dhe 1inMM u kishin premtuar investitorëve kthime më të mëdha se 35 përqind.

Aktori, i cili ka luajtur në “The Devil Below”, “You’re Not Alone” dhe Last Moment of Clarity” filloi kompaninë e tij të shpërndarjes së filmave në vitin 2013 për të blerë dhe shpërndarë filma artistikë në gjuhën angleze në tregun e Amerikës Latine. Marrëveshjet përmbajnë nënshkrime të falsifikuara të punonjësve të Netflix ose HBO.