Aksident i rëndë në Levan-Tepelenë/ Kamioni del nga rruga, plagoset shoferi

Një aksident i rëndë ka ndodhur ditën e sotme në aksin Levan- Tepelenë. Kamioni i cili transportonte inerte ka dalë nga rruga, ndërsa mësohet se shkaku ka qenë përgjumja e drejtuesit i cili udhëtonte i vetëm.

Menjëherë janë njoftuar uniformat blu dhe shërbimi i urgjencës së spitalit të Fierit, të cilët kanë mbërritur pranë vendit të ngjarjes. Fatmirësisht, drejtuesi i mjetit ka marrë plagë të lehta, edhe pse nga pamjet tregojnë një makinë thuajse totalisht të shkatërruar.
Dëmet materiale janë të konsiderueshme. Nga ana e bluve po punohet për të evitimin e trafikut në këtë rrugë.