Darka e ministrave në Dubai që ‘çmendi’ rrjetin, aktori Flor Binaj shpërthen i revoltuar: O mjeshtra kur të ktheheni… për faturën mos e vrisni mendjen, çojani Nusretit! (Tregon aksidentin me makinë së bashku me fëmijët brenda)

Një video e qarkulluar në gjithë rrjetin dy ditë më parë e zyrtarëve të vendit që po darkonin në restorantin më luksoz dhe të shtrenjtë në Dubai është komentuar edhe nga aktori i njohur shqiptar.

Aktori i njohur Florian Binaj i është bashkuar kritikëve të videos që u publikua në rrjet, ku ministrat shqiptarë shfaqeshin duke darkuar në një restorant luksoz në Dubai.

Përmes një postimi në Instagram, Binaj tregon një aksident me makinë që ka pësuar në hyrje të Kavajës, ku rruga ka një gropë problematike për drejtuesit e mjeteve. Binaj tregon se ka qenë në makinë së bashku me fëmijët e tij, ndërsa me doza të forta ironie thotë se faturën për rregullimin e rrugës duhet tia çojnë Nusretit.

“O mjeshtra! Kur të vuni nga Dubai hidhini një grusht asfalt kësaj gropës në hyrje të Kavajës, se për 15 minuta u bëmë 2 makina me fëmijë brenda që na u dëmtuan gomat dhe disqet. Mos e vrisni mendjen për faturën, çojani Nusretit! Kujdes shoferët që kalojnë këtu”, shkruan Binaj në postimin e tij, ku ka publikuar dhe një foto të rrugës së dëmtuar.